మంచి జోరుమీదున్న యాంక‌ర్‌.. శ్రీముఖి

బుల్లితెర హాట్ యాంకర్‌ల‌లో ఒక‌రైన‌ అనసూయ ఒక‌వైపు యాంక‌ర్ గానూ మ‌రోవైపు వెండితెర పై మెరుస్తూనే ఉంది. ఇంకో యాంక‌ర్ ర‌ష్మీ గౌత‌మ్ ప‌రిస్థితి కూడా సేమ్ టు సేమ్‌.. అయితే ఇప్పుడు తాజాగా వీరికి పోటీ ఇస్తోంది యాంక‌ర్ శ్రీముఖి. ఇప్పటికే అన‌సూయ‌, రష్మీకి యూత్‌లో మంచి ఫాలోయింగ్ సంపాదించుకున్నారు.

ఇక శ్రీముఖి కూడా తన క్రేజ్‌ను మరింత పెంచుకునే పనిలో వుంది. నిన్నమొన్నటి వరకూ చిన్నచిన్న పాత్రలనే చేస్తూ వచ్చిన శ్రీముఖి, హర్షవర్ధన్ దర్శకత్వంలో గుడ్ బ్యాడ్ అగ్లీ చిత్రంలో లీడ్ రోల్ చేస్తోంది.ఇక ఈ చిత్రం త‌ర్వాత శ్రీముఖి వి.ఎస్.వాసు దర్శకత్వంలో చేస్తోంది. కుటుంబ కథా చిత్రం అనే పేరుతో తెరకెక్కుతున్న ఈ సినిమాలో.. నందూ కథానాయకుడిగా నటిస్తున్నాడు.

ఈ సినిమాలో శ్రీముఖి ఐటీ ఉద్యోగిగా కనిపించనుంది. కొత్తగా పెళ్లైన ఒక జంట మధ్యలోకి మూడో వ్యక్తి ఎంటర్ కావడం వలన ఎలాంటి పరిణామాలు చోటుచేసుకున్నాయనేది ఈ సినిమా కథాంశమని దర్శకుడు చెప్పాడు. ఈ సినిమాతో శ్రీముఖి మరింత బిజీ కావడం ఖాయమనే అభిప్రాయాన్ని వ్యక్తం చేశాడు. దీంతో శ్రీముఖి కూడా వెండితెర పై జోరు పెంచేసింద‌ని స‌ర్వ‌త్రా చ‌ర్చిచుకుంటున్నారు.