అసెంబ్లీలో కాంగ్రెస్ ఎమ్మెల్యేలు సస్పెన్షన్

తెలంగాణ రాష్ట్ర కాంగ్రెస్ పార్టీకి చెందిన  ఎమ్మెల్యేలు తెలంగాణ అసెంబ్లీ నుంచి సస్పెండ్ అయ్యారు. సిఎల్పి నేత మల్లు భట్టి కి అవకాశం ఇవ్వాలని డిమాండ్ చేస్తున్న సమయంలో ముఖ్యమంత్రి కేసీఆర్  తన ప్రసంగం ఆరంబించడానికి సిద్దం అయ్యారు.

ఆ క్రమంలో రాజగోపాలరెడ్డి అడ్డుపడుతుండడంపై ఆగ్రహం వ్యక్తం చేశారు. కాంగ్రెస్ వారు కావాలని గొడవ చేస్తున్నారని , వారు తన జవాబు వినడానికి సిద్దంగా లేరని అన్నారు.

సభ్యుడిని సస్పెండ్ చేయాలని కెసిఆర్ అన్నారు. ఆ వెంటనే మంత్రి ప్రశాంతరెడ్డి తీర్మానం పెట్టారు. తొలుత రాజగోపాలరెడ్డిని సస్పెండ్ చేస్తున్నట్లు ప్రకటించినా, ఆ తర్వాత మిగిలిన ఎమ్మెల్యేలు మల్లు భట్టి, పొడెం వీరయ్య, దళవాయి అనసూయ, శ్రీదర్ బాబు,జగ్గారెడ్డి లను కూడా సస్పెండ్ చేస్తున్నట్లు స్పీకర్ పోచారం శ్రీనివాసరెడ్డి ప్రకటించారు.