2020లో క్రికెట్ అభిమానులకు పండగే పండగ..!

కొత్త సంవత్సరంలో క్రికెట్ అభిమానులకు ఊపిరి పీల్చుకునే సమయం కూడా లేదనే చెప్పాలి. ఎందుకంటే ఈ ఏడాదిలో ఐసీసీ మూడు ప్రపంచకప్ లను నిర్వహిస్తుంది. ఇందులో భాగంగానే మొదట సౌతాఫ్రికా వేదికగా  అండర్-19 ప్రపంచకప్ ఆడనుంది. దీనికి సంబంధించి ఇప్పటికే భారత్ జట్టు ని ఎంపిక చేయడం జరిగింది. ఈ టోర్నమెంట్ జనవరి 17న ప్రారంభం కానుంది. ఇక ఆ తరువాత ఆస్ట్రేలియా వేదికగా ఉమెన్స్ టీ20 ప్రపంచకప్ జరగనుంది. ఈ ఈవెంట్ ఫెబ్రవరి 21నుండి మార్చ్ 8 వరకు జరగనుంది. డిఫెండింగ్ ఛాంపియన్స్ ఆస్ట్రేలియా 5వ సారి విజేతగా నిలిచేందుకు ప్రయత్నిస్తుంది. మరోపక్క అది అవ్వగానే ఏడాది చివర్లో ఐసీసీ టీ20 ప్రపంచకప్ ఉంది. ఇలా ఏడాది అంతా ఫుల్ బిజీ అని చెప్పాలి.