Dharuvu No:1 Telugu Political web site in telugu states
క్రికెట్‌ అభిమానులు ఎప్పుడెప్పుడా అని ఎదురు చూస్తున్న ఐపీయల్‌-2020 సీజన్‌ను వచ్చే ఏడాది మార్చి 29న ప్రారంభించనున్నారు. ఈ మేరకు సమాచారాన్ని ఐపీఎల్‌ ఫ్రాంచైజీ ఢిల్లీ క్యాపిటల్స్‌కు చెందిన ఓ అధికారి వెల్లడించారు. అంతేకాకుండా తొలి లీగ్ మ్యాచ్‌ను ముంబయిలోని వాఖండే స్టేడియంలో జరుగనున్నట్లు కూడా ఆ అధికారి తెలిపారు. వాఖండేలో తొలి మ్యాచ్‌లో డిపెండింగ్‌ ఛాంపియన్‌ ముంబై ఇండియన్స్‌ ఆడనుండగా.. మరో జట్టు వివరాలు ఇంకా తెలియరాలేదు. ఏప్రిల్‌ 1న ఐపీఎల్‌ను ప్రారంభించాలని కొన్ని ఫ్రాంచైజీలు గతంలో విన్నవించినా.. ఐపీఎల్‌ కౌన్సిల్‌ మాత్రం మార్చి 29నే లీగ్ ప్రారంభించడానికి సిద్ధమవుతున్నట్టు సమాచారం. ఓ ఫ్రాంచైజీ సీనియర్ అధికారి మాట్లాడుతూ… ‘లీగ్ ఆరంభం నాటికి ఆస్ట్రేలియా-న్యూజిలాండ్‌, ఇంగ్లాండ్-శ్రీలంక జట్లకు సిరీస్‌లు ఉన్నాయి. దీంతో స్టార్ ఆటగాళ్లు లేకుండా లీగ్ ఆరంబించాల్సి ఉంటుంది.
