పెళ్లి చేసుకునే ముందు స్వామి వారి ఆశీస్సులు తీసుకున్న నయనతార

అందాల తార నయనతార గురువారం తిరుమల శ్రీవారి ఆలయంలో సందడి చేసింది. శ్రీవారిని దర్శించుకునేందుకు తిరుమలకు ఆమె రావడంతో నయనతారకు టిటిడి అధికారులు ప్రత్యేక దర్శన ఏర్పాట్లు చేశారు ఆలయంలోని రంగనాయకుల మండపంలో స్వామివారి లడ్డూ ప్రసాదాలు చిత్రపటాలు అందించి వేద ఆశీర్వచనం అందించారు. నయనతార తో పాటు తమిళ డైరెక్టర్ విఘ్నేశ్ శివన్ కూడా ఉన్నారు. మరికొద్ది రోజుల్లో నయనతార ఆయనను పెళ్లి చేసుకోబోతున్నారనే వార్తలు వినిపిస్తున్న నేపథ్యంలో తో పాటు ప్రస్తుతం వీరిద్దరు డేటింగ్ చేస్తున్నారనే వార్తలు కూడా వినిపిస్తున్నాయి. ఈ క్రమంలో నయనతార విగ్నేష్ తో కలిసి ఇ తిరుమల ఆలయానికి చేరుకోవడంతో పెళ్లి చేసుకునే ముందు స్వామి వారి ఆశీస్సులు తీసుకోవడానికి వచ్చారు అని అందరూ అనుకుంటున్నారు. మరోవైపు నయనతారను చూసేందుకు పెద్ద ఎత్తున తెలుగు తమిళ అభిమానులు భక్తులు ఎగబడ్డారు. ఆమెతో సెల్ఫీలు ఫోటోలు దిగేందుకు పోటీపడ్డారు.