టీపీసీసీకి కొత్త సారథి..?

తెలంగాణ రాష్ట్ర ప్రదేశ్ కాంగ్రెస్ కమిటీ అధ్యక్షుడుగా ఉన్న నల్లగొండ ఎంపీ ఎన్ ఉత్తమ్ కుమార్ రెడ్డిని త్వరలోనే తప్పించనున్న సంగతి విధితమే. ఈ క్రమంలో టీపీసీసీ చీఫ్ గా కొత్త వ్యక్తిరాబోతున్నారని వార్తలు వినిపిస్తోన్నాయి. అయితే టీపీసీసీ చీఫ్ గా ఎవరు రాబోతున్నారనే ట్విస్ట్ కాంగ్రెస్ వర్గాల్లో నెలకొన్నది.

తెలంగాణ ఏర్పడిన తర్వాత జరిగిన ప్రతి ఎన్నికల్లో కాంగ్రెస్ ఘోరపరాజయాన్ని చవిచూస్తోన్న నేపథ్యంలో సారథి మార్పు అనివార్యమైంది. కానీ పీసీసీ రేసులో మల్కాజ్ గిరి ఎంపీ అనుముల రేవంత్ రెడ్డి,భువనగిరి ఎంపీ కోమటిరెడ్డి వెంకటరెడ్డి, ఎమ్మెల్సీ జీవన్ రెడ్డి ,మంథని ఎమ్మెల్యే శ్రీధర్ బాబు ఉన్నారని ఆ పార్టీ వర్గాలు తెలుపుతున్నాయి.

అయితే ఇటీవలే కుటుంబసమేతంగా అనుముల రేవంత్ రెడ్డి కాంగ్రెస్ పార్టీ జాతీయ అధ్యక్షురాలైన శ్రీమతి సోనియాగాంధీని,యువనేత రాహుల్ గాంధీని కలవడంతో టీపీసీసీ చీఫ్ గా అనుముల రేవంత్ రెడ్డి ఖాయమని రాజకీయ విశ్లేషకులు చెబుతున్నారు..