నా వ్యాఖ్యలు తప్పు..బ్యాట్ తో నిరూపించిన జడ్డు

ప్రపంచ కప్ లో భాగంగా నిన్న ఇండియా,న్యూజిలాండ్ మధ్య జరిగిన సెమీ ఫైనల్లో టీమిండియా పరాజయం పొందిన విషయం అందరికి తెలిసిందే.రోహిత్, కోహ్లి, రాహుల్ వరుసగా పెవిలియన్ బాట పట్టడంతో యావత్ ప్రపంచం మ్యాచ్ పై ఆశలు వదులుకున్నారు.పంత్, హార్దిక్ కాసేపు ఆడిన ఎక్కువసేపు నిలకడగా ఉండలేకపోయారు.ఆ తరువాత వచ్చిన ధోని,జడేజా మ్యాచ్ ను ఆదుకున్నారనే చెప్పాలి.ఒకవిధంగా చెప్పాలంటే మ్యాచ్ ఇండియానే గెలుస్తుంది అని అందరికి ఆశ పుట్టించారు.చివరకు ఆ ఆశలు నిరాశగానే మిగిలాయి.వీరిద్దరి అద్భుతమైన బ్యాట్టింగ్ కు మెచ్చుకోవాల్సిందే. ఇక అసలు విషయానికి వస్తే ప్రముఖ వ్యాఖ్యాత సంజయ్ మంజేకర్ ఇటీవల జడేజాపై తన ఆటపై విమర్శలు చేసిన విషయం తెలిసిందే.దీనిపై జడ్డు కూడా గట్టిగా సమాధానం చెప్పాడు. అయితే నిన్న జరిగిన మ్యాచ్ లో జడేజా ఆట చూసి నేను చేసిన వ్యాఖ్యలు తప్పు అని తన ఆటతో జడ్డు నిరూపించాడని ఆయన అన్నారు.