బీజేపీలో చేరడానికి వెళ్లినపుడు కళ్లు తిరిగి పడిపోయిన టీడీపీ ఎంపీ

ఏపీలో రాజకీయ సమీకరణాలు వేగంగా మారిపోతున్నాయి. తాజాగా టీడీపీ రాజ్ సభ సభ్యులు సుజనాచౌదరి, సీఎం రమేష్, టీజీ వెంకటేశ్, గరికపాటి రామ్మోహన్‌రావులు ఆపార్టీకి పార్టీకి గుడ్‌బై చెప్పి కేంద్రంలో అధికారంలో ఉన్న భారతీయజనతాపార్టీలో చేరారు. ఈ నలుగురు గురువారం రాజ్యసభ ఛైర్మన్ వెంకయ్యనాయుడు వద్దకు వెళ్లి టీడీపీ రాజ్యసభను బీజేపీలో విలీనం చేస్తున్నట్టు ప్రకటించారు. అనంతరం కేంద్రహోం మంత్రి బీజేపీ జాతీయాధ్యక్షుడు అమిత్ షాను కలిసారు. ఏపీలో బీజేపీ బలోపేతానికి పనిచేస్తామని చెప్పుకొచ్చారు. ఈ క్రమంలో వెంకయ్యవద్దకు వెళ్లే సమయంలో ఎంపీ గరికపాటి మోహనరావు హై బీపీతో పడిపోయారు.. వెంటనే మిగిలిన ఎంపీలు ఆయనను హుటాహుటిన ఆస్పత్రికి తరలించారు. ఈ నలుగురు సభ్యులు టీడీపీని వీడితే రాజ్యసభ లో ఆ పార్టీకి ఇక మిగిలింది ఇద్దరు ఎంపీలే కాబట్టే దీంతో ఆ పార్టీ ప్రతిపక్ష హోదాను కూడా కోల్పోనున్నట్లు తెలుస్తుంది.