టీడీపీ ఆవిర్భావం తర్వాత అత్యంత దారుణమైన ఓటమి ఇదే

తెలుగుదేశం పార్టీ అధినేత చంద్రబాబు నాయుడు 2014 ఎన్నికల్లో గెలిచిన తర్వాత అత్యాశకు పోయి విపక్ష పార్టీ ఎమ్మెల్యేలను చేర్చుకున్నారు. ముఖ్యంగా వైఎస్సార్సీపీ ఎమ్మెల్యేలను సంతలో పశువుల్లా కొనుగోలు చేసాడు. దాదాపుగా రాష్ట్రవ్యాప్తంగా 23మంది ఎమ్మెల్యేలను, ముగ్గురు ఎంపీలతో ఫిరాయింపు రాజకీయాలు చేసారు. అయితే ఆ ఫిరాయించిన ఎమ్మెల్యేపై అనర్హత వేటు వేయాలని వైసీపీ అధినేత ఎన్నిసార్లు స్పీకర్ కు విన్నవించినా వినలేదు.

అలాగే తమ పార్టీ గుర్తు మీద గెలిచి టీడీపీలోకి ఎలా ఫిరాయిస్తారంటూ వైసీపీ ప్రశ్నించింది. ఈ క్రమంలో తాజా ఎన్నికల్లో కనీసం ఆ ఫిరాయించిన సంఖ్యను కూడా తెలుగుదేశం చేరుకునేందుకు అష్ట కష్టాలు పడుతోంది. ముఖ్యంగా అసెంబ్లీలో ప్రతిపక్ష హోదా దక్కించేందుకు కూడా ఉక్కిరిబిక్కిరయ్యారు.అయితే ప్రస్తుత ఫలితాలు చూసుకుంటే తెలుగుదేశం పార్టీకి ప్రతిపక్ష హోదా కూడా దక్కే అవకాశం కనిపించట్లేదంటూ కౌంటింగ్ సమయంలో టీడీపీ నేతలు ఆందోళన చెందడం కనిపించింది.