కొత్త సంవత్సరంలో అడుగుపెడుతున్న వేళ.. ఈరోజు రాత్రి సెలబ్రేషన్స్ లో అంబరాన్ని అంటనున్న సంబరాలు

మరి కొన్ని గంటల్లో 2018 కి టాటా చెప్పి 2019 కి వెల్కం చెప్పేందుకు అందరు సిద్ధంగా ఉన్నారు. కొత్త సంవత్సరంలో అడుగుపెట్టకముందే యూత్ కి విందు పసందు కావాలి కదా? ఈసారి టాలీవుడ్ నుంచి స్పెషల్ ఏం ఉంది? అంటే అందుకు సంబంధించిన అన్ని రెడీ అయ్యాయని చెప్పొచ్చు. ప్రతి సంవత్సరం లానే ఈ ఏడాది కూడా అందాల భామలతో మస్త్ మజా మస్తీ షోలు చాలానే నగరంలో ఉన్నాయి. ఇప్పటికే కథానాయికల్ని బుక్ చేసుకుంటూ పబ్బులు- క్లబ్బులు- రెస్టారెంట్- రిసార్ట్స్ ప్లేసు ల్లో- సిటీ ఔట్ స్కర్ట్స్ లో భారీ ఈవెంట్లకు ప్లాన్ చేస్తున్నారని తెలుస్తోంది.

ఇప్పటికే పలువురు అందాల కథానాయికలు 31 రాత్రి ఈవెంట్ల కోసం రెడీ అయిపోయారు.అలాగే భారీ గా స్టార్ హీరోయిన్లతో నిర్వహించనున్న ఓ ఈవెంట్లో తెలుగమ్మాయిలు యామిని భాస్కర్ నిత్యా శెట్టి అలేఖ్య వంటి వాళ్లు పార్టిసిపెంట్లుగా ఉంటారని తెలుస్తోంది. ఆ క్రమంలోనే సదరు తెలుగమ్మాయిలతో బ్రోచర్ కార్యక్రమాలు జరగడం విశేషం. అసలింతకీ ఈ ఈవెంట్లలో పాల్గొనే స్టార్ హీరోయిన్లు ఎవరు? అన్నది మరికొన్ని గంటల్లో తెలిసిపోతుంది.

కొత్త సంవత్సరంలో అడుగుపెడుతున్న వేళ.. ఈరోజు రాత్రి సెలబ్రేషన్స్ కోసం యూత్ ఎంతో ఎగ్జయిటింగ్గా ఎదురు చూడడం సహజం. అలాంటి ఉత్సాహం ఉరకలెత్తే యూత్ కోసం భారీ మస్తీ ఈవెంట్లకు నగరం సిద్ధమవుతోంది.