హరికృష్ణ మరణంపై సమంత ట్వీట్.. నెటిజన్ల ఆగ్రహం.. డిలీట్

నందమూరి హరికృష్ణ దుర్మరణం పట్ల పలువురు ప్రముఖులు ఆయనకు సంతాపం తెలిపారు. వారిలో సమంత కూడా ఉన్నారు. అయితే హరికృష్ణ మృతికి సంతాపం తెలుపుతూ సమంత చేసిన ట్వీట్‌ తో ఆమెకు కష్టాలు వచ్చాయి. విషయం ఏమిటంటే సమంత మందు ‘రిప్ హరికృష్ణ’ (రెస్ట్ ఇన్ పీస్ హరికృష్ణ) అంటూ ట్వీట్‌ చేసింది. సమంత చేసిన ఈ ట్వీట్‌లో ఆమె హరికృష్ణను ‘గారు’ అని సంబోధించలేదు. దాంతో నెటిజన్లు ఆమెను ట్రోల్‌ చేయడం మొదలుపెట్టారు. దాంతో వెంటనే పొరపాటు గుర్తించిన సమంత దాన్ని సరిదిద్దుకుంది.. వెంటనే ముందు చేసిన ట్వీట్‌ డిలీట్‌ చేసి, ‘రిప్ హరికృష్ణ గారూ’ అంటూ మరో ట్వీట్‌ చేసింది. ప్రస్తుతం తాను చెన్నైలో ఉన్నానని, ఓ సినిమా ఫంక్షన్ వెళ్లానని చెప్పింది. ఈవార్త తనను దిగ్భ్రాంతికి గురి చేసిందని, కష్టకాలంలో ఆయన కుటుంబానికి మనో ధైర్యాన్ని ఇవ్వాలని భగవంతుడిని ప్రార్థిస్తున్నట్టు చెప్పింది. కానీ సమంత చేసిన రెండు ట్వీట్ల స్క్రీన్ షాట్లతో నెటిజన్లు వైరల్ చేస్తున్నారు.