విమానంలో ఎవ‌రూ చూడ‌ని వింత ఘ‌ట‌న‌..!

ధ‌ర్మం బాబ‌య్య అనే మాట గుడిమెట్ల ద‌గ్గ‌రో లేక ట్రాఫిక్ కూడ‌ళ్ల వ‌ద్ద‌నో వింటుంటాం. కానీ, వింత‌గా విమాన ప్ర‌యాణంలోనూ ఇటువంటి మాట విన‌ప‌డుతోంది. అవును, మీరు చ‌దివింది నిజ‌మే. ఈ సంఘ‌ట‌న నిజంగానే చోటు చేసుకుంది. ఇటీవ‌ల పాకిస్థాన్ నుంచి బ‌య‌ల్దేరిన ఖ‌తార్ ఎయిర్‌వేస్ విమానంలో ఓ బిచ్చ‌గాడు క‌నిపించ‌డంతో ప్ర‌యాణికులు షాక్ తిన్నారు. ప్లాస్టిక్ క‌వ‌ర్ ముందుపెట్టి డ‌బ్బులు అడ‌గడం మొద‌లు పెట్ట‌డంతో విమాన సిబ్బంది అప్ర‌మ‌త్త‌మ‌య్యారు.

ఓ ప్ర‌యాణికుడు ఈ ఘ‌ట‌న‌ను వీడియో తీసి పాకిస్థాన్ అధికారుల‌కు ట్విట్ట‌ర్‌లో ఫిర్యాదు చేశాడు. స్పందించిన అధికారులు అత‌ను పాకిస్థానీ కాద‌ని, ఇరాన్ నుంచి వ‌చ్చిన వ్య‌క్తిగా గుర్తించారు. డ‌బ్బులు లేక అడుక్కుంటున్న‌ట్టుగా పాకిస్థాన్ అధికారులు చెప్పారు.