ప‌వ‌న్ క‌ల్యాణ్ మార్ష‌ల్ ఆర్ట్స్‌..!

జ‌న‌సేన అధినేత‌, ప‌వ‌ర్ స్టార్ ప‌వ‌న్ క‌ళ్యాణ్ ప్ర‌స్తుతం ఏపీ వ్యాప్తంగా బ‌స్సు యాత్ర చేప‌ట్టేందుకు సిద్ధ‌మ‌య్యారు. అందుకు అనుగుణంగా ప్రాంతాల‌న్నీ తిరిగేలా రూట్ మ్యాప్ త‌యారు చేయ‌మ‌ని త‌మ పార్టీ నేత‌ల‌ను ఇప్ప‌టికే ప‌వ‌న్ క‌ల్యాణ్ ఆదేశించారు. అయితే, 2014లో జ‌రిగిన‌ సార్వ‌త్రిక ఎన్నిక‌ల్లో టీడీపీతో జ‌త క‌ట్టిన జ‌న‌సేనాని.. ఆ త‌రువాత జ‌రిగిన ప‌రిణామాల దృష్ట్యా చంద్ర‌బాబు అస‌లూ రూపం తెలుసుకున్న ప‌వ‌న్ క‌ల్యాణ్.. చివ‌ర‌కు టీడీపీకి రాం రాం చెప్పిన విష‌యం తెలిసిందే. దీంతో జ‌న‌సేన, టీడీపీ మ‌ధ్య మాట‌ల యుద్ధం చెల‌రేగింది కూడాను. ఈ నేప‌థ్యంలో టీడీపీ ప‌న్నిన కుట్ర‌ల‌ను ప్ర‌జ‌ల‌కు తెలిసేలా చేయాల‌నే ఉద్దేశంతో ప‌వ‌న్ క‌ల్యాన్ జ‌న‌సేన పార్టీ త‌రుపున ఏపీ వ్యాప్తం బ‌స్సు యాత్ర చేయ‌నున్నారు.

ఇదిలా ఉండ‌గా గ‌త వారంలో తిరుమ‌ల తిరుప‌తి శ్రీ వేంక‌టేశ్వ‌ర స్వామి వారిని ద‌ర్శించుకున్న ప‌వ‌న్ క‌ల్యాణ్ ఆ త‌రువాత ప‌లు ప్రాంతాల్లో ప‌ర్య‌టించిన విష‌యం తెలిసిందే. ప‌వ‌న్ క‌ల్యాణ్ త‌న ప‌ర్య‌ట‌న‌లో భాగంగా ఓ ప్రాంతంలో వెళుతుండ‌గా సంద‌ర్భంలో మార్ష‌ల్ ఆర్ట్స్ నిర్వ‌హిస్తున్న ఓ కోచింగ్ సెంట‌ర్ క‌నిపించింది. దీంతో ఒక్క సారిగా త‌న కారును అక్క‌డే ఆపేశారు ప‌వ‌న్ క‌ల్యాణ్‌. అనంత‌రం కాసేపు మార్ష‌ల్ ఆర్ట్స్ విద్యార్థుల‌తో ప‌వ‌న్ గ‌డిపారు. ప‌వ‌న్ వారికి మార్ష‌ల్ ఆర్స్ట్‌లో సూచ‌న‌ల‌ను, స‌ల‌హాల‌ను ఇచ్చారు.

అయితే, ప‌వ‌న్ క‌ల్యాణ్ తొలి చిత్రం అక్క‌డ అమ్మాయి.. ఇక్క‌డ అబ్బాయి, అలాగే, త‌మ్ముడు చిత్రాల్లో ప‌లు స‌న్నివేశాల్లో మార్ష‌ల్ ఆర్స్ట్ దృశ్యాల్లో న‌టించిన విష‌యం తెలిసిందే. ఇక అప్ప‌ట్నుంచి ప‌వ‌న్ క‌ల్యాన్ ప్ర‌తీ రోజు వ్యాయామంలో భాగంగా మార్ష‌ల్ ఆర్ట్స్ చేస్తార‌న్న‌ది టాలీవుడ్ స‌మాచారం.