హైదరాబాద్‌లో జరిగే ఐపీఎల్‌ మ్యాచ్‌లు…వాటి టిక్కెట్ల్

బాగ్య నగరవాసులకు శుభవార్త. 2018 హైదరాబాద్‌లో జరిగే ఐపీఎల్‌ మ్యాచ్‌లకు సంబంధించిన టిక్కెట్లు ఎప్పుడెప్పుడా అని ఎదురుచూస్తోన్న అభిమానులు ఇక వేచి ఉండాల్సిన అవసరం లేదు. సన్‌రైజర్స్‌ హైదరాబాద్‌ ఫ్రాంఛైజీ ఆన్‌లైన్‌ ద్వారా టిక్కెట్‌ అమ్మకాలను శుక్రవారం ప్రారంభించింది.

టిక్కెట్లు కావాల్సిన వారు sunrisershyderabad.inను ఆశ్రయించాలి. రాజీవ్‌గాంధీ ఇంటర్నేషనల్‌ క్రికెట్ స్టేడియంలో ఏప్రిల్‌ 9 నుంచి మే 19 వరకు జరిగే మొత్తం 7 మ్యాచ్‌లకు సంబంధించిన టిక్కెట్లను ఈ సైట్‌లో అందుబాటులో ఉంచారు. అంతేకాదండోయ్‌ అభిమానుల కోసం ప్రత్యేక ఆఫర్లు కూడా ప్రకటించారు. 5, 10 శాతం డిస్కౌంట్‌తోపాటు జెర్సీని కూడా సొంతం చేసుకునే అవకాశం కల్పించారు. టిక్కెట్‌ ధరలను ఆరు కేటగిరీలగా విభజించారు.

రూ.500, రూ.781.25, రూ. 976.56, రూ.1,171.88, రూ.2,734.38, రూ.3,906.25 ధరలతో టిక్కెట్లను అందుబాటులో ఉన్నాయి. నగరంలోని 15 ఔట్‌లెట్ల ద్వారా టిక్కెట్లను అందుబాటులో ఉంచనున్నట్లు నిర్వాహకులు తెలిపారు. టోర్నీలో భాగంగా సొంతగడ్డపై హైదరాబాద్‌ ఏప్రిల్‌ 9న రాజస్థాన్‌ రాయల్స్‌ను ఢీకొట్టనుంది.