మ‌రోసారి వెండితెర పై దుమ్మురేప‌నున్న ఎమ్మెల్యే రోజా..!

తెలుగు సినీ ప్ర‌పంచంలో ఒక‌ప్పుడు టాప్ హీరోయిన్‌గా ఓ వెలుగు వెలిగిన హీరోయిన్ రోజా. ఆ త‌ర్వాత రాజకీయాల్లోకి ఎంట్రీ అప్పుడ‌ప్పుడు వెండితెర‌పై మెరుస్తున్నారు. ఇక బుల్లితెరపై మాత్రం జబర్దస్త్ కార్యక్రమంలో రోజా జడ్జిగా వ్యవహరిస్తున్న తీరు అందరినీ ఆకట్టుకుంటోంది. ఇక అప్పుడప్పుడు వెండితెర‌పై హీరోయిన్‌గా కాకుండా తల్లి, అక్క ఇలా క్యారెక్టర్లను చేస్తోంది రోజా. అయితే తాజాగా మ‌రోసారి రోజా హీరోయిన్‌గా ఆర్.నారాయణమూర్తి త్వరలో ఒక సినిమాను తీస్తున్నారని తెలుస్తోంది. ప్రస్తుతం నెలకొన్న రాజకీయ పరిస్థితులను వివరిస్తూ ఈ సినిమా ఉండబోతుందని స‌మాచారం.

ఇప్పటికే రాజకీయాల్లో చురుకైన పాత్ర పోషిస్తున్న రోజా ఈ సినిమాలో నటించేందుకు ఉత్సాహం చూపుతోందట. ఆర్.నారాయణమూర్తి గతంలో ఎన్నో సినిమాలను తీశారు. ప్రజా సమస్యలను కళ్ళకు కట్టేలా ఆయన తీసిన సినిమాలు అందరినీ ఎంతగానో ఆకట్టుకున్నాయి. అలాంటి దర్శకుడే ఇప్పుడు రోజాను హీరోయిన్‌గా చేస్తూ సినిమా తీస్తుండటం తెలుగు సినీ పరిశ్రమలో హాట్ టాపిక్‌గా మారింది. నారాయణమూర్తి ఇప్పటికే కథను కూడా సిద్ధం చేసినట్లు కూడా తెలుస్తోంది. ఇక ఈ సినిమాలో కొంతమంది రాజకీయ నేతలను నటించాలని నారాయణమూర్తే స్వయంగా కోరుతున్నారని తెలుస్తోంది. ఇప్ప‌టికే ఏపీలో ప్ర‌ధాన ప్ర‌తిప‌క్ష వైసీపీ ఎమ్మెల్యేగా రియ‌ల్ పాలిటిక్స్‌లో అద‌ర‌గొడుతున్న రోజా.. ఈ సినిమాలో ఎలా రెచ్చిపోతుందో అని స‌ర్వ‌త్రా ఆశ‌క్తిగా ఎదురు చూస్తున్నారు.