1990లో విజయశాంతి అలా చేసింది..2018లో నయనతార ఇలా..!

1990 లో ఎ. మోహన గాంధీ దర్శకత్వంలో సూర్య మూవీస్ పతాకంపై ఎ. ఎం. రత్నం నిర్మించిన చిత్రం కర్తవ్యం . ఇందులో విజయశాంతి, వినోద్ కుమార్ ముఖ్యపాత్రల్లో నటించారు. ఓ నిజాయితీ గల పోలీసు అధికారిణి అంగబలం, అర్థబలం కలిగిన అవినీతి పరులను, రౌడీలను ఎలా ఎదుర్కొన్నదీ ఈ చిత్ర కథాంశం. ఇప్పుడు క‌ర్త‌వ్యం టైటిల్‌తోనే న‌య‌న‌తార మార్చి 16న ప్రేక్ష‌కుల ముందుకు రాబోతుంది. లేడి సూపర్ స్టార్ నయనతార త‌మిళంలో మింజుర్ గోపి దర్శకత్వంలో అరం అనే సినిమా చేసింది.

see also..అకౌంట్ లో రూ 50 ఉంటే చాలు..బ్యాంక్ ఖాతా దారులకు శుభవార్త..!

ఈ చిత్రం కంప్లీట్ మెసేజ్ ఓరియెంటెడ్ నేపథ్యంలో తెరకెక్కింది. నీటి కోసం తల్లాడే రైతుల వెన్నంటే నిలిచి వారి కష్ట నష్టాలలో భాగస్వామి‌గా నిలిచే కలెక్టర్ పాత్ర పోషించింది. ‘కాకాముట్టై’ ఫేం రమేష్, విఘ్నేష్, సును లక్ష్మీ, రామచంద్రన్ దురైరాజ్ కీలక పాత్రలు పోషించారు. ఈ చిత్రానికి సంబంధించిన టీజర్‌ను తాజాగా రిలీజ్ చేసింది. ఈ చిత్రానికి గిబ్రాన్ సంగీతం అందించగా, ఓం ప్రకాశ్ సినిమాటోగ్రఫీ అందించారు. ప్రపంచ మహిళా దినోత్సవం సందర్భంగా ‘కర్తవ్యం’ మూవీ టీజర్ ను విడుదల చేశారు.