ఉద్యోగాల క‌ల్ప‌న వేదిక‌గా..న్యాక్‌ను తీర్చిదిద్దాలి..మంత్రి తుమ్మ‌ల‌

యువతకు ఉద్యోగ ఉపాధి అవకాశాలు కల్పించే ఏజెన్సీగా జాతీయ నిర్మాణ సంస్థ (న్యాక్)ను తీర్చి దిద్దాలని రోడ్లు, భవనాల శాఖ మంత్రి తుమ్మల నాగేశ్వరరావు అధికారులను ఆదేశించారు. ప్రైవేట్ సంస్థలను పిలిచి సమన్వ‌యం చేసే బాధ్యతలకే పరిమితం కాకుండా నేరుగా నిరుద్యోగ యువతి, యువకులకూ శిక్షణ తీసుకున్న వారికి దేశ, విదేశాల్లో ఉద్యోగాలు కల్పించేలా కార్యాచరణ రూపొందించుకోవాలని నిర్దేశించారు.

సచివాలయంలో తన చాంబర్‌లో న్యాక్ పై మంత్రి తుమ్మల న్యాక్, ప్రభుత్వ ఉన్నతధికరులలో సమీక్ష జరిపారు. ఈ సందర్భంగా మంత్రి మాట్లాడుతూ న్యాక్ లో శిక్షణ తీసుకున్న వారంటే ఆ రంగంలో “అత్యుత్తమంగా రాణిస్తారని” ఉద్యోగాలు ఇచ్చే సంస్థలు భావించాలన్నారు అంటే “సెంటర్ ఆఫ్ ఎక్సలెoన్” సంస్థ గా పెరుగాంచాలని సూచించారు.  జిల్లాలో ఉన్న న్యాక్ కేంద్రాలను మరింత బలోపేతం చేయాలని తుమ్మల ఆదేశించారు.

1997 నాటినుంచి జాతీయ నిర్మాణ సంస్థ (న్యాక్) నుండి 3.76 లక్షల మందికి శిక్షణ ఇచ్చింది. నిర్మాణ పరిశ్రమకు రాష్ట్రంలో 40,174 మంది నైపుణ్య శిక్షణ పొందారు. తెలంగాణ రాష్ట్ర ఏర్పాటు తరువాత ఎన్.ఎ.సి. యొక్క పనితీరు అద్భుతంగా ఉండి, 2017-18 సంవత్సరానికి జాతీయ నిర్మాణ సంస్థ (న్యాక్) 7959 మందిని ఇప్పటివరకు శిక్షణ ఇచ్చింది. ఎన్.ఎ.సి. 2017-18 సంవత్సరంలో కార్యకలాపాలను విస్తరించడానికి కొత్త కార్యకలాపాలను ప్రవేశపెట్టింది. న్యాక్ ఔట్ సోర్సింగ్ ఆధారంగా జి.హెచ్.ఎం.సి.లో సైట్ ఇంజినీర్లుగా పనిచేయడానికి 350 సివిల్ ఇంజనీర్స్ యొక్క పారదర్శక పద్దతిలో ఎంపిక, శిక్షణ మరియు నియామకం జరిగింది. ప్రతిపాదిత 15 అంతస్థుల దిగ్గజ భవనం కోసం ఆర్కిటెక్చర్ అండ్ ఇంజనీరింగ్ కన్సల్టెన్సీ సర్వీసెస్ ను ఎన్.ఏ.సి (న్యాక్) అందిస్తుంది. దిగువ ట్యాంక్ బండ్ వద్ద అంబేత్కర్ టవర్స్ ప్రణాళికలు ఎస్సి డెవలప్మెంట్ డిపార్ట్మెంట్ ఆమోదం కోసం సమర్పించబడ్డాయి.

శిక్షణల నాణ్యతను మెరుగుపరచడానికి ఎన్.ఏ.సి (న్యాక్ ) అనేక నిపుణుల సంస్థలు,శిక్షణా అభివృద్ధికి ప్రఖ్యాత ప్రైవేట్ రంగ సంస్థలతో మెమోరాండం అఫ్ అండర్‌స్టాండింగ్ కుదుర్చుకుంది. న్యాక్ ప్రాంగణంలో స్టేట్ అఫ్ ఆర్ట్ ప్లంబింగ్ ల్యాబ్ ఏర్పాటుకు జాగ్వ‌ర్ ఆండ్ కో మెమోరాండం అఫ్ అండర్‌స్టాండింగ్ కుదుర్చుకుంది. వీటితో పాటు  విద్యుత్, పెయింటింగ్ మరియు సోలార్ ఎనర్జీ లాబ్స్ ఏర్పాటు కోసం శెండ్లర్,ఆసియన్ పెయింట్స్ , శ్రీశక్తి పరిశ్రమలతో వరుసగా చర్చలు పురోగతిలో ఉన్నాయి.