సీఎం కేసీఆర్, హరీష్ రావుల పై కోమటిరెడ్డి వెంకటరెడ్డి ప్రసంసల వర్షం

సీఎం కేసీఆర్, హరీష్ రావులపై కాంగ్రెస్ నేత కోమటిరెడ్డి వెంకటరెడ్డి ప్రసంసల వర్షం కురిపించారు.కోమటిరెడ్డి వెంకటరెడ్డి ఇవాళ తన స్వగ్రామమైన నార్కట్ పల్లి మండలం, బ్రాహ్మణవల్లంలలో పర్యటిస్తున్నారు .ఈ క్రమంలో ఈ రోజు ఉదయం మార్నింగ్ వాక్ లో భాగంగా ఉదయసముద్రం ప్రాజెక్టు పనులను పరిశీలించారు.

ఈ సందర్బంగా అక్కడ జరుగుతున్న పనుల పట్ల అయన సంతోషం వ్యక్తం చేశారు.అనంతరం అయన మాట్లాడుతూ.. ముఖ్యమంత్రి కేసీఆర్ ఇచ్చిన మాటను నిలబెట్టుకున్నారని చెప్పారు. ప్రాజెక్టు పనుల పరిశీలనకు వచ్చిన రాష్ట్ర నీటి పారుదల శాఖ మంత్రి హరీష్ రావుకు ధన్యవాదాలు తెలిపారు. ఈ ప్రాజెక్టు ప్రారంభమైతే నాగార్జునసాగర్ ఆయకట్టు మాదిరి ఈ ప్రాంతం కూడా అభివృద్ధి చెందుతుందని అన్నారు.నేను రోజు విమర్శిస్తున్నా ప్రాజెక్టును పూర్తి చేస్తున్న సీఎం కేసీఆర్, హరీష్ రావులకు ప్రత్యేక కృతజ్ఞతలు అని అన్నారు . ప్రాజెక్టు పనులు పూర్తి కాబోతున్న తరుణంలో… తన కల నెరవేరబోతోందని అన్నారు. 2018లో ట్రయల్ రన్ నిర్వహించబోతున్నారని తెలిపారు.