వైఎస్ జగన్‌ను భవిష్య‌త్తులో.. త‌ప్ప‌కుండా కలుస్తాన‌న్న ప్ర‌ముఖ‌ హీరో..!

వైసీపీ అధినేత వైఎస్ జ‌గ‌న్ మోహ‌న్ రెడ్డి పాద‌యాత్ర‌తో రాష్ట్ర రాజ‌కీయాల్లో క‌దం తొక్కుతున్నారు. అయితే జ‌గ‌న్‌కు సంబందించిన ప‌ర్స‌న‌ల్ విష‌యం ఒక‌టి తాజాగా అక్కినేని వార‌సుడు సుమంత్ బ‌య‌ట పెట్టిన విష‌యం తెలిసిందే. స్కూల్ డేస్ నుండే జ‌గ‌న్ సుమంత్‌లు ఇద్ద‌రు మంచి స్నేహితులే అన్న సంగ‌తి తెలిసిందే. అయితే ఇప్పుడు తాజాగా మీడియా ముందుకు వ‌చ్చిన సుమంత్ మ‌రో విష‌యాన్ని చెప్పారు.

స‌ద‌రు మీడియా ప్ర‌తినిథి ప్ర‌శ్నిస్తూ.. మీరు వైసీపీ అధినేత జగన్‌కి స్నేహితులని తెలుసు.. అయితే ఇప్పటికీ మీ స్నేహం కొనసాగుతుందా అని ఆమె అడగ్గా.. దానికి హీరో సుమంత్ సమాధానమిస్తూ తామిద్దరం ఇప్పటికి మంచి స్నేహితులమేనని జగన్ ప్రస్తుతానికి రాజకీయాల్లో బిజీగా ఉండటం వల్లే తామిద్దరం కలుసుకోవడానికి వీలు పడటం లేదని.., భవిష్యత్తులో త‌ప్ప‌కుండా జగన్‌ను కలుస్తానని.., అత‌నితో మాట్లాడుతూనే ఉంటానని సుమంత్ చెప్పుకొచ్చారు.