అన‌సూయ‌ను అనుకున్నంత ప‌నీ చేశాడుగా..!

అన‌సూయ‌.. ప్ర‌స్తుతం టాలీవుడ్‌లో బుల్లితెర‌, వెండితెర‌ల‌పై బిజీ బిజీగా గ‌డుపుతున్న యాంక‌ర్. అంతేకాదు, త‌మిళంలో రూపొందుతున్న ఓ చిత్రంలో కూడా అన‌సూయ న‌టిస్తున్న‌ట్లు స‌మాచారం. ఇటీవ‌ల కాలంలో లేడీ యాంక‌ర్ల‌కు ఇత‌ర న‌టుల‌తో, తోటి యాంక‌ర్ల‌కు ఎఫైర్ అంట‌గ‌డుతున్న ఈ రోజుల్లో.. అన‌సూయ మాత్రం కాంట్ర‌వ‌ర్సీల‌కు ఆమ‌డ దూరంలోనే ఉంటుంద‌ని చెప్పుకోవ‌చ్చు.

అలాగే,
జ‌బ‌ర్ద‌స్త్ ఫేం హైప‌ర్ ఆది. ఇప్పుడీ పేరు చుట్టూ వివాదాలు త‌లెత్తుతున్నాయి. అందుకు కార‌ణం హైప‌ర్ ఆది జ‌బ‌ర్ద‌స్త్ షో వేదిక‌గా వేసిన పంచ్‌లే. కేవ‌లం ఒక్క హైప‌ర్ ఆది వేసిన పంచ్‌ల‌తో జ‌బ‌ర్ద‌స్త్ షో కాస్తా బూత్ షో అయిపోయింద‌ని విమ‌ర్శ‌కులు వారి నోటికి ప‌నిపెట్టారు. కేవ‌లం త‌నదైన పంచ్‌ల వ‌ర్షంతో ఎంటర్టైన్‌మెంట్ ప్రేక్ష‌కుల‌ను త‌న వైపు తిప్పుకున్న హైప‌ర్ ఆది.. టాప్ రేటింగ్స్‌తో దూసుకు పోతున్న జ‌బ‌ర్ద‌స్త్‌తో అతి త‌క్కువ కాలంలో త‌న‌కంటూ ఫ్యాన్ ఫాలోయింగ్‌ను కూడా సంపాదించుకున్నాడు. అయితే, స్కిట్‌.. స్కిట్‌కు త‌న పంచ్‌ల పంథాను మారుస్తూ..పంచ్‌ల‌లో ప‌స‌ను పెంచేందుకు హైప‌ర్ ఆది తీవ్ర క‌స‌ర‌త్తులే చేస్తున్నాడు. ఇందుకు నిద‌ర్శ‌నం నిన్న జ‌రిగిన జ‌బ‌ర్ద‌స్త్ షోలో బీజేపీ, అనాథ‌ల‌పై హైప‌ర్ ఆది చేసిన సంచ‌ల‌న కామెంట్లే. ఈ పంచ్‌ల‌పై వివాదం కూడా త‌లెత్తింది.

ఇంత‌కీ అన‌సూయ‌ను హైప‌ర్ ఆది ఏడిపించ‌డ‌మేంట‌ని అనుకుంటున్నారా..? అదేం లేదండీ..!

హైప‌ర్ ఆది త‌న‌దైన టైమింగ్ పంచ్‌ల‌తో అంద‌రిచేత ప‌గ‌ల‌డి మ‌రీ న‌వ్వించి.. ఆనంద బాష్పాలు వ‌చ్చేలా చేస్తాడ‌న్న విష‌యం తెలిసిందే. అయితే, మొన్నీ మ‌ధ్య టెలికాస్ట్ అయిన జ‌బ‌ర్ద‌స్త్ షోలో హైప‌ర్ ఆది త‌న టైమింగ్ పంచ్‌ల వ‌ర్షం కురిపించాడు. దీంతో షో యాంక‌ర్ అన‌సూయ‌తో స‌హా, జ‌డ్జెస్ నాగ‌బాబు, రోజాలు కూడా ప‌గ‌ల‌బ‌డి న‌వ్వారు. దీంతో.. కాసేపు గ్యాప్ ఇవ్వ‌వ‌య్యా.. న‌వ్వ‌లేక చ‌స్తున్నామంటూ హైప‌ర్ ఆదిపై నాగ‌బాబు కామెంట్ చేశాడు కూడా. ఈ క్ర‌మంలోనే అన‌సూయ కంట క‌న్నీరు కారింది. అయితే, అన‌సూయ‌కు హాస్య‌గ్రంథులు ఎక్కువ‌గా ఉన్నాయేమో మ‌రి. అందుకే ఆనంద బాష్పాలు వ‌చ్చేలా న‌వ్వింది అంటూ చ‌ర్చించుకుంటున్నారు బుల్లితెర జ‌నాలు.