ప్రెగ్నెంట్స్ పై హీరోయిన్ నిత్యా మీనన్ క్లారిటీ

 తెలుగు సినిమ ఇండస్ట్రీకి చెందిన ప్రముఖ  కథానాయికలు నిత్యామీనన్‌, పార్వతీ తాము ప్రెగ్నెంట్స్‌ అని సూచించే ఓ పోస్ట్‌ చేసి నెటిజన్లను కన్ఫ్యూజ్‌ చేశారు. పాల పీక, ప్రెగ్నెన్సీ టెస్టింగ్‌ కిట్‌తో పెట్టిన ఈ పోస్ట్‌ చూసిన వారిలో కొందరు శుభాకాంక్షలు చెబితే మరికొందరు ‘నిత్యా..నీకు పెళ్లెప్పుడు అయ్యింది ?’ అంటూ ప్రశ్నిస్తున్నారు.

ఇదంతా సినిమా ప్రచారంలో భాగమని తర్వాత తెలిసింది. నిత్యా మీనన్‌, పార్వతీ ‘వండర్‌ వుమెన్‌’ అనే సినిమాలో నటిస్తున్నారు. ఈ చిత్ర ప్రచారంలో భాగంగా వీరు ఈ పోస్టులు పెట్టారు. గతంలో ఇలాగే ‘ఎక్కడ’ అనే సినిమా ప్రచారంలో భాగంగా తన భర్త కనిపించడం లేదంటూ నటి ఆశా శరత్‌ చేసిన వీడియో కూడా వివాదాస్పదం అయ్యింది. ప్రజలను తప్పుదోవ పట్టించేలా ఆ నాయిక వీడియో పోస్ట్‌ చేసిందంటూ పోలీస్‌ కేసు వరకు వెళ్లింది