ధోనీ నిర్మాతగా మహేష్ బాబు సినిమా

టీమిండియా మాజీ కెప్టెన్  మహేంద్ర సింగ్‌ ధోనీ నిర్మాతగా అవతారమెత్తిన సంగతి విదితమే. మహీ  నిర్మాతగా   ధోనీ ఎంటర్‌టైన్‌మెంట్‌ బ్యానర్‌పై ఇప్పటికే ‘రోర్‌ ఆఫ్‌ లయన్‌’, ‘బ్లేజ్‌ టు గ్లోరీ’, ‘ద హిడెన్‌ హిందూ’ అనే మూడు లఘు చిత్రాలను రూపొందించారు. అయితే తాజాగా దక్షిణాది తారలతో సినిమాలు నిర్మించేందుకు సన్నాహాలు చేసుకుంటున్నారు.

ఇకపై భారీ స్థాయిలో సౌత్‌ స్టార్స్‌తో సినిమాలు చేసే ప్రయత్నాల్లో ఉన్నారు ధోనీ. ఇందులో భాగంగా తమిళ హీరో విజయ్‌తో ధోనీ ఓ చిత్రానికి అంగీకారం కుదుర్చుకున్నట్లు సమాచారం. అలాగే కన్నడలోనూ పేరున్న హీరోలతో సినిమా చేయబోతున్నారు.

తెలుగులో ధోనీ నిర్మాణంలో మహేష్‌ బాబు నటిస్తారనే ప్రచారం జరుగుతున్నది. దీనిపై ప్రకటన రావాల్సిఉంది. మహేష్‌ బాబు ప్రస్తుతం త్రివిక్రమ్‌ దర్శకత్వంలో ఓ సినిమాలో నటిస్తున్నారు. ఆయనకు రాజమౌళి కాంబినేషన్‌లో మరో సినిమా ఉంది.