అభిమానులకు షాకిచ్చిన విజయ్ దేవరకొండ

మిక్స్డ్ మార్షల్ ఆర్ట్స్ కథాంశంతో రూపొందుతున్న ‘లైగర్’ సినిమాలో వరల్డ్ బాక్సింగ్ ఛాంపియన్ మైక్ టైసన్‌  కీలక పాత్రలో కనిపించబోతున్నారు. పూరి – ఛార్మీ – కరణ్ జొహార్ నిర్మాతలు. దాదాపు 120 కోట్ల భారీ బడ్జెట్‌తో లైగర్ రూపొందుతుండగా వచ్చే ఆగస్టు 25న ప్రపంచవ్యాప్తంగా తెలుగు, హిందీ, తమిళం, కన్నడ, మలయాళ భాషలలో రిలీజ్ చేయనున్నారు. పోస్ట్ ప్రొడక్షన్స్ వర్క్ కూడా దాదాపు పూర్తైందని సమాచారం.

ఈ నేపథ్యంలో మేకర్స్ ‘లైగర్’ మూవీ ప్రమోషన్స్‌ను మొదలు పెట్టారు. దీనిలో భాగంగా ఇప్పుడు విజయ్ కు సంబంధించిన ఓ బోల్డ్ పోస్టర్ రిలీజైంది. ఈ పోస్టర్ చూసిన ఆడియన్స్ షాకవుతున్నారు. గతంలో ఎప్పుడూ లేనివిధంగా విజయ్ ఒంటిపై ఏమీ లేకుండా గులాబీలు మాత్రమే పట్టుకొని నిలుచున్న పోస్టర్‌ను వదలగా, అది ఇప్పుడు నెట్టింట వైరల్‌గా మారింది.