ప్ర‌భాస్ నిజంగానే.. అనుష్క కోసం అంత ఖ‌ర్చుచేశాడా..?

టాలీవుడ్ హీరోయిన్ అనుష్క పుట్టినరోజు సంద‌ర్భంగా.. డార్లింగ్‌ ప్రభాస్ బి ఎం డబ్ల్యూ కారు బహుమతిగా ఇచ్చాడ‌నే వార్త సినీ స‌ర్కిల్స్‌లో బలంగా వినిపిస్తోంది. ప్రభాస్ – అనుష్క లు మంచి ఫ్రెండ్స్ అన్న విషయం అందరికీ తెలిసిందే. అయితే అంతకుమించి వారిద్దరి మధ్య అనుబంధం ఉందని కూడా పుంఖాను పుంఖాలుగా వార్తలు వచ్చాయి. గత నెలలో ప్రభాస్ పుట్టినరోజు రాగా అనుష్క ఖరీదైన న్యూ బ్రాండ్ వాచ్ బహుమతిగా ఇచ్చిందని వార్తలు వచ్చాయి

అయితే ఇప్పుడు తాజాగా అనుష్క పుట్టినరోజు కావడంతో బి ఎం డబ్ల్యూ కారు కొనిచ్చాడని గుసగుసలు వినిపిస్తున్నాయి. ప్రభాస్ – అనుష్కలు కలిసి నాలుగు సినిమాల్లో నటించారు పైగా ఇద్దరి మధ్య మంచి కెమిస్ట్రీ వర్కౌట్ కావడంతో గుసగుసలు ఎక్కువయ్యాయి. దానికి తోడు ఇద్దరు కూడా ఇంకా పెళ్లి చేసుకోలేదు. దీంతో వారిపై కొంత‌కాలంగా.. ఎఫైర్ న‌డుస్తోంద‌ని.. పెళ్లి కూడా చేసుకోబోతున్నార‌నే రూమ‌ర్లు పుట్ట‌లు పుట్ట‌లుగా పుట్టుకొచ్చాయి. ఇక ఇప్పుడేమో ఖరీదైన కారు బహుమతిగా ఇచ్చాడనే వార్త సోష‌ల్ మీడియాలోనూ జోరుగా వినిపిస్తోంది. మ‌రి ఇందులో నిజ నిజాలేంటో తెలియాలంటే.. ఎవ‌రో ఒక‌రు స్పందిస్తే గానీ తెలియ‌దు.