కేజీఎఫ్‌ చాప్టర్‌ 2 ట్రైలర్‌.. యశ్‌ మళ్లీ అదరగొట్టేశాడు!

ప్రపంచ వ్యాప్తంగా ఇండియన్‌ సినీ ఫ్యాన్స్‌ ఎదురుచూస్తున్న ‘కేజీఎఫ్‌-చాప్టర్‌ 2’ ట్రైలర్‌ వచ్చేసింది. కేజీఎఫ్‌ తొలిభాగంగా ఇప్పటికే రిలీజ్‌ అయి భారీ విజయాన్ని సొంతం చేసుకున్న నేపథ్యంలో ఈ సినిమాపైనా భారీ అంచనాలున్నాయి. ఈ మూవీలో రాఖీభాయ్‌గా నటించిన హీరో యశ్‌కు కేజీఎఫ్‌తో విపరీతమైన క్రేజ్‌ వచ్చింది.

ఈ నేపథ్యంలో తాజాగా విడుదలైన ‘కేజీఎఫ్‌-చాప్టర్‌2’ ట్రైలర్‌ ఆ మూవీ అంచనాలను మరింత పెంచేసింది. రాఖీభాయ్‌గా యశ్‌ మళ్లీ అదరగొట్టాడు. ఆయన లుక్స్‌, డైలాగులు ప్రత్యేకంగా ఉన్నాయి. అధీర పాత్రలో విలన్‌గా నటించిన సంజయ్‌ దత్‌ లుక్స్‌ కూడా హీరోకు పోటీగా ఉన్నాయి. ప్రశాంత్‌నీల్‌ దర్శకత్వం వహించిన ఈ మూవీ ఏప్రిల్‌ 14న రిలీజ్‌ కానుంది.