గొప్ప మనసు చాటుకున్న పాన్ ఇండియా స్టార్ ప్రభాస్

పాన్ ఇండియా మూవీగా సినీ ప్రేక్షకుల ముందుకు వచ్చిన పాన్ ఇండియా స్టార్ ప్రభాస్ హీరోగా.. పూజా హెగ్డే హీరోయిన్ గా నటించిన రాధే శ్యామ్ మంచి హిట్ టాక్ తెచ్చుకుని బాక్సాపీస్ దగ్గర వసూళ్ల సునామీ సృష్టిస్తుంది.

ఈ నేపథ్యంలో ప్రభాస్ తనదైన మంచి మనసు చాటుకున్నాడు. ఏపీలోని గుంటూరు జిల్లాకు చెందిన ప్రభాస్ అభిమాని చల్లా పెదకోటి రాధేశ్యామ్ విడుదల సందర్భంగా థియేటర్ వద్ద బ్యానర్ కడుతూ విద్యుదాఘాతానికి గురై మరణించిన సంగతి విదితమే..

ఈ క్రమంలో మండల అభిమాన సంఘం నాయకుడు చల్లా అనిల్ ఈ విషయాన్ని  హీరో ప్రభాస్ కు తెలియజేశాడు. దీంతో ఆయన రూ.2 లక్షల ఆర్థిక సాయం అందించారు. ఈ చెక్కును పెదకోటి భార్య, తల్లిదండ్రులకు ఇచ్చారు.