అరుదైన రికార్డును సాధించిన రోహిత్ శర్మ

సొంత గడ్డ  వేదికగా  శ్రీలంకతో జరిగిన టెస్ట్ సిరీస్ ను సంపూర్ణ ఆధిపత్యంతో లంకను చిత్తుచిత్తుగా ఓడించి సిరీస్ ను క్లీన్ స్వీప్ చేయడం ద్వారా టీమిండియా కెప్టెన్ రోహిత్ శర్మ అరుదైన రికార్డు సాధించాడు.

అటు T20 ఫార్మాట్లోనూ లంకను ఓడించి క్లీన్ స్వీప్ చేసిన టీమిండియా కెప్టెన్ రోహిత్ శర్మ నేతృత్వంలోని సేన టెస్టులోనూ అదే సీన్ ను పునరావృత్తం చేశారు. దీంతో  మూడు ఫార్మాట్లలో ఫుల్ టైం  కెప్టెన్ గా  బాధ్యతలు చేపట్టిన ఫస్ట్ సిరీస్ లోనే క్లీన్ స్వీప్ విజయాలు అందుకున్న తొలి సారథిగా రోహిత్ శర్మ చరిత్రకెక్కాడు. వెస్టిండీస్ జట్టుతో జరిగిన వన్డే, టీ20 సిరీస్ వైట్ వాష్ చేసిన రోహిత్ సేన  తాజాగా శ్రీలంకతో టెస్టు సిరీస్ ను క్లీన్ స్వీప్  చేసింది.