అమెజాన్‌, ఫ్లిప్‌కార్ట్‌లో సూపర్‌ ఆఫర్లు.. మార్చి 16 వరకే

హైదరాబాద్: ఈ-కామర్స్‌ సంస్థలు ఫ్లిప్‌కార్ట్‌,అమెజాన్‌ మరోసారి అద్భుతమైన ఆఫర్లతో వినియోగదారుల ముందుకొచ్చాయి. ‘ఫ్యాబ్‌ ఫోన్‌ పెస్ట్‌, ఫ్యాబ్‌ టీవీ ఫెస్ట్‌ పేరుతో అమెజాన్‌.. బిగ్‌ సేవింగ్స్‌ డేస్‌ పేరిట ఫ్లిప్‌కార్ట్‌ ఆఫర్లను ప్రకటించాయి. అమెజాన్‌లో మార్చి 11 నుంచి అమల్లోకి వచ్చిన ఈ ఆఫర్లు..మార్చి 14 వరకు కొనసాగనున్నాయి. ఫ్లిప్‌కార్ట్‌లో మార్చి 12 నుంచి మార్చి 16 వరకు అమల్లో ఉండనున్నాయి. అమెజాన్‌ ఫ్యాబ్‌ ఫోన్స్‌ ఫెస్ట్‌, ఫ్యాబ్‌ టీవీ ఫెస్ట్‌లో మొబైల్‌ ఫోన్లు, టీవీలపై ఆఫర్లు ఇచ్చింది. బిగ్‌ సేవింగ్స్‌ డేస్‌ పేరుతో ఎలక్ట్రానిక్‌ గాడ్జెట్స్‌పై ఫ్లిప్‌కార్ట్‌ తగ్గింపు ధరలు ప్రకటించింది.

అమెజాన్‌ సంస్థ స్మార్ట్‌ఫోన్లు,టీవీలతో పాటు పవర్‌ బ్యాంక్స్‌, హెడ్‌ఫోన్స్‌పై ఆఫర్లను అందిస్తోంది. వన్‌ప్లస్‌, శాంసంగ్‌, రియల్‌మీ మొబైల్స్‌తో పాటు వివిధ కంపెనీల టీవీలపైనా ఆఫర్లు నడుస్తున్నాయి. ఓల్డ్‌ మొబైల్స్‌ను ఎక్స్‌ఛేంజ్‌ చేసుకునే అవకాశం కూడా అమెజాన్‌ కల్పించింది. హెచ్‌డీఎఫ్‌సీ బ్యాంక్ కార్డులు, బ్యాంక్‌ ఆఫ్‌ బరోడా క్రెడిట్‌ కార్డుపై 10 శాతం డిస్కౌంట్‌ ఇస్తోంది.

ఫ్లిప్‌కార్ట్‌లో స్మార్ట్‌ఫోన్లు, ల్యాప్‌టాప్‌లు, ఇతర ఎలక్ట్రానిక్‌ గ్యాడ్జెట్లపై ఆఫర్లపై లభ్యమవుతున్నాయి. శామ్‌సంగ్‌, ఒప్పో, రియల్‌మీతో పాటు యాపిల్‌ ఐఫోన్లపై డిస్కౌంట్లు అందిస్తోంది. ఫ్లిప్‌కార్ట్‌లో ఎస్‌బీఐ క్రెడిట్‌ కార్డుతో 10శాతం ఇన్‌స్టంట్‌ డిస్కౌంట్‌ అవకాశాన్ని కల్పించింది.