పుష్ప మరో రికార్డు

ఐకాన్ స్టార్ అల్లు అర్జున్ హీరోగా సుకుమార్ సుకుమార్ దర్శకత్వంలో రూపొంది రష్మిక మందన్న హీరోయిన్‌గా సునీల్, అనసూయ, జగదీష్ ప్రతాప్ భండారీ కీలక పాత్రల్లో  మైత్రి మూవీ మేకర్స్, ముత్తంశెట్టి మీడియా నిర్మించిన మూవీ పుష్ప  ది రైజ్ పార్ట్ 1. డిసెంబర్ 17న ప్రపంచ వ్యాప్తంగా భారీ అంచనాల మద్య  విడుదలైన ఈ చిత్రం అద్భుతమైన కలెక్షన్స్  రాబట్టింది. ఇప్పటికే 2021 ఇండియన్ బిగ్గెస్ట్ గ్రాసర్‌గా నిలిచిన పుష్ప.. కొత్త ఏడాది కూడా అదే జోరు చూపించింది. అమెజాన్ ప్రైమ్ వీడియోలో విడుదలైన తర్వాత ఈ సినిమాకు ప్రశంసల వర్షం కురుస్తోంది.

జాతీయ అంతర్జాతీయ క్రికెటర్లు ఈ సినిమాకు ఇంస్టాగ్రామ్ లో రీల్స్ చేసి పెడుతున్నారు. కరోనా సెకండ్ వేవ్ ముగిసిన తర్వాత అత్యధిక వసూళ్లు తీసుకొచ్చిన ఇండియన్ సినిమాగా నిలిచింది పుష్ప. తాజాగా ఈ చిత్రం 50 రోజులు పూర్తి చేసుకుంది.

ప్రపంచ వ్యాప్తంగా రూ. 365 కోట్లు వసూలు చేసింది పుష్ప. అల్లు అర్జున్ పర్ఫార్మెన్స్‌కు అంతా ఫిదా అయిపోయారు. హిందీలో రూ. 100 కోట్లకు పైగా వసూలు చేసింది ఈ సినిమా. పుష్ప సినిమాను కేవలం అల్లు అర్జున్ కోసమే చూడొచ్చు అనేలా థియేటర్స్‌కు క్యూ కట్టారు ఆడియన్స్.