ఉద్యోగులకు శుభవార్త

దేశ వ్యాప్తంగా ఉన్న ఉద్యోగులకు ఇది నిజంగానే శుభవార్త.. కేంద్ర ప్రభుత్వ పరిధిలో ఉన్న అన్ని శాఖాల్లో పని చేస్తున్న ఉద్యోగులకు.. పెన్షనర్లకు కేంద్రంలోని ప్రధానమంత్రి నరేందర్ మోదీ నాయకత్వంలోని బీజేపీ సర్కారు శుభవార్తను తెలపనున్నది.

ఇందులో భాగంగా  సెప్టెంబర్ ఇరవై ఏడో తారీఖున జరగనున్న కేంద్ర క్యాబినేట్ సమావేశంలో ఉద్యోగులకు సంబంధించి డీఏ డీఆర్ పెంపుపై కీలక ప్రకటన చేయనున్నట్లు తెలుస్తుంది.

అయితే జూలై లో పదిహేను నెలల గరిష్ఠానికి ద్రవ్యోల్బణం పెరగడంతో మూడు శాతం వరకు డీఏ పెంచవచ్చని అంచనాలు ఉన్నాయి.  ప్రస్తుతం ఉద్యోగుల డీఏ నలబై రెండు శాతం ఉంది. దీన్ని మూడు శాతం పెంచితే నలబై ఐదు శాతం కానున్నది.