అభివృద్ధికి ఆకర్షితులై బిజెపి, కాంగ్రెస్ ను వీడి బీఆర్ఎస్ లో పెద్దఎత్తున చేరిక

కుత్బుల్లాపూర్ నియోజకవర్గం పరిధిలోని గాజులరామారం 125 డివిజన్ కు చెందిన బిజెపి మైనార్టీ సెల్ జనరల్ సెక్రెటరీ ఎస్.కె.హుస్సేన్, గాజులరామారం డివిజన్ బిజెపి మహిళా జనరల్ సెక్రటరీ ఎస్.సీతారా, జగద్గిరిగుట్ట 126 డివిజన్ సోమయ్య నగర్ కు చెందిన కాంగ్రెస్ కార్యకర్తలు డి.మల్లేష్, కే.ఈశ్వరమ్మ వారి బృందం 250 మందితో కలిసి బీఆర్ఎస్ ప్రభుత్వం చేస్తున్న అభివృద్ధి, సంక్షేమ కార్యక్రమాలకు ఆకర్షితులై   ఎమ్మెల్యే కేపి వివేకానంద్  సమక్షంలో ఆయా పార్టీలను వీడి చింతల్ లోని ఎమ్మెల్యే కార్యాలయం వద్ద బీఆర్ఎస్ నాయకుడు ఆబిద్ గారి ఆధ్వర్యంలో బీఆర్ఎస్ పార్టీలో చేరారు.

ఈ సందర్భంగా ఎమ్మెల్యే గారు గులాబీ కండువాలు కప్పి వారిని పార్టీలోకి ఆహ్వానించారు. అనంతరం ఎమ్మెల్యే గారు మాట్లాడుతూ సీఎం కేసీఆర్ గారి అధినాయకత్వంలో తెలంగాణ రాష్ట్రం యావత్ భారతదేశానికే ఆదర్శవంతంగా దూసుకుపోతుందని అన్నారు. తెలంగాణ రాష్ట్రంలో అమలవుతున్న అభివృద్ధి, సంక్షేమ కార్యక్రమాలు చూసి తమ రాష్ట్రాల్లో కూడా ఇటువంటి పథకాలు అమలు కావాలని ప్రజలు కోరుకుంటున్నారని అన్నారు.

అతి తక్కువ కాలంలోనే అన్ని రంగాల్లో అభివృద్ధి సాధించిన ఏకైక రాష్ట్రం తెలంగాణ అని అన్నారు. బీఆర్ఎస్ పార్టీలో కష్టపడిన వారికి తప్పక గుర్తింపు ఉంటుందని, ప్రభుత్వ పథకాలను పార్టీలో చేరిన కార్యకర్తలు ప్రజల్లోకి విస్తృతంగా తీసుకెళ్లేలా కృషి చేసి రాబోయే రోజుల్లో కుత్బుల్లాపూర్ నియోజకవర్గంలో మూడో సారి గులాబీ జెండా ఎగురవేసేలా పని చేయాలని అన్నారు. ఈ కార్యక్రమంలో మాజీ ప్రజా ప్రతినిధులు, సీనియర్ నాయకులు, కార్యకర్తలు పాల్గొన్నారు.