కట్టప్ప పాత్రను వదులుకున్న బాలీవుడ్ స్టార్ హీరో

తెలుగు సినిమా ఓ స్థాయిలో నిలబెట్టిన మూవీ బాహుబలి. ఎస్ఎస్ రాజమౌళి దర్శకత్వంలో పాన్ ఇండియా స్టార్ హీరో .. డార్లింగ్  ప్రభాస్‌ హీరోగా .. అందాల బ్యూటీ అనుష్క శెట్టి హీరోయిన్ గా.. సీనియర్ నటుడు సత్యరాజ్. ఒకప్పటి  హాట్ బ్యూటీ రమ్యకృష్ణ .. స్టార్ హీరో రానా ప్రధాన పాత్రల్లో నటించిన ఈ మూవీ  ఎంతటి ఘన విజయాన్ని సాధించిందో మన చూశాం. ఈ సినిమాలో హీరో రానా,హీరోయిన్ అనుష్క, శివగామి పాత్రలో మెప్పించిన రమ్యకృష్ణ పాత్రలతో పాటు కీలకమైంది సత్యరాజ్‌ పోషించిన కట్టప్ప క్యారెక్టర్‌.

బాహుబలికి తోడుగా ఉన్న కట్టప్ప చివరికి అతన్ని చంపడం ‘బాహుబలి’ మొదటి భాగం సినిమాకు ఆసక్తికర ముగింపు ఇచ్చింది. కట్టప్ప బాహుబలిని ఎందుకు చంపాడనే ప్రశ్న ద్వితీయ భాగంపై ఉత్సుకత పెంచింది. ఈ ప్రశ్న దేశవ్యాప్తంగా వైరల్‌ అయ్యింది.ఈ కట్టప్ప క్యారెక్టర్‌ కోసం మొదట సంజయ్‌ దత్‌ను సంప్రదించాడట దర్శకుడు రాజమౌళి.

స్క్రిప్ట్‌ విన్న సంజయ్‌ దత్‌ కట్టప్ప పాత్ర అంత బలంగా లేదని భావించి ఈ ఆవకాశాన్ని వదులుకున్నాడు. తర్వాత ఆ పాత్ర సత్యరాజ్‌కు దక్కింది. సత్యరాజ్‌ కెరీర్‌లోనే ఒక మైల్‌స్టోన్‌గా నిలిచింది. ఈ విషయాన్ని ఇటీవల ఓ ఇంటర్వ్యూలో సంజయ్‌దత్‌ వెల్లడించారు. అయితే ‘కేజీఎఫ్‌’లో అధీరా పాత్రతో అదే స్థాయి గుర్తింపు తెచ్చుకున్నారు సంజయ్‌ దత్‌. ఈ పాన్‌ ఇండియా మూవీలో సంజయ్‌ విలనీ ఆకట్టుకుంది.