హైదరాబాద్ లో మూడు నెలల పాటు ట్రాఫిక్ రూల్స్

తెలంగాణ రాష్ట్ర రాజధాని మహానగరం హైదరాబాద్ లో మూడు నెలల పాటు ట్రాఫిక్ రూల్స్ ఉండనున్నయి.. ఇందులో భాగంగా నగరంలోని ఇందిరా పార్కు  నుంచి వీఎస్టీ వ‌ర‌కు కొన‌సాగుతున్న స్టీల్ బ్రిడ్జి  నిర్మాణ ప‌నుల కార‌ణంగా ఆ మార్గంలో మూడు నెల‌ల పాటు ట్రాఫిక్ ఆంక్ష‌లు విధిస్తున్న‌ట్లు హైద‌రాబాద్ ట్రాఫిక్ పోలీసులు  ప్ర‌క‌టించారు.

ఈ ట్రాఫిక్ ఆంక్ష‌లు మార్చి 10 నుంచి జూన్ 10వ తేదీ వ‌ర‌కు అమ‌ల్లో ఉంటాయ‌ని తెలిపారు. ఈ మార్గంలో ప్ర‌యాణించే వాహ‌న‌దారులు.. ట్రాఫిక్ పోలీసులకు స‌హ‌క‌రించాల‌ని ఉన్న‌తాధికారులు విజ్ఞ‌ప్తి చేశారు.

ట్రాఫిక్ ఆంక్ష‌లు ఇవే..

• చిక్క‌డ‌ప‌ల్లి నుంచి ఆర్టీసీ క్రాస్ రోడ్స్ మీదుగా అశోక్ న‌గ‌ర్ మీదుగా వెళ్లే వాహ‌న‌దారులు.. సుధా నందిని హోట‌ల్ లేన్ వ‌ద్ద లెఫ్ట్ తీసుకొని సిటీ సెంట్ర‌ల్ లైబ్ర‌రీ, స్ట్రీట్ నంబ‌ర్ 9 మీదుగా అశోక్ న‌గ‌ర్ ఎక్స్ రోడ్డు, ఇందిరా పార్కు చేరుకోవాలి.
• వీఎస్‌టీ నుంచి ఆర్టీసీ క్రాస్ రోడ్స్ మీదుగా అశోక్ న‌గ‌ర్ వెళ్లాల‌నుకునే వాహ‌న‌దారులు.. క్రాస్ రోడ్డులోని హేబ్రోన్ చ‌ర్చి లేన్‌, ఆంధ్రా కేఫ్, జ‌గ‌దాంబ హాస్పిట‌ల్ మీదుగా అశోక్ న‌గ‌ర్ ఎక్స్ రోడ్డు, ఇందిరా పార్కుకు చేరుకోవాలి.
• ఇందిరా పార్కు నుంచి ఆర్టీసీ క్రాస్ రోడ్స్‌కు వ‌చ్చే వాహ‌నదారులు.. అశోక్ న‌గ‌ర్ క్రాస్ రోడ్స్ నుంచి జ‌గ‌దాంబ హాస్పిట‌ల్, ఆంధ్రా కేఫ్, హేబ్రోన్ చ‌ర్చి, చిక్క‌డప‌ల్లి మెయిన్ రోడ్డుకు చేరుకోవాలి. అశోక్ న‌గ‌ర్ ఎక్స్ రోడ్డు నుంచి స్ట్రీట్ నంబ‌ర్ 9 మీదుగా సిటీ సెంట్ర‌ల్ లైబ్ర‌రీ, సుధా నంది హోట‌ల్ లేన్, చిక్క‌డ‌ప‌ల్లి మెయిన్ రోడ్డు చేరుకోవాలి.