ఏపీ బీఆర్ఎస్ లోకి భారీ చేరికలు

ఆంధ్రప్రదేశ్‌ నుంచి త్వరలో బీఆర్‌ఎస్‌లోకి భారీ చేరికలు ఉంటాయని ఆ పార్టీ రాష్ట్ర అధ్యక్షుడు తోట చంద్రశేఖర్‌ చెప్పారు. దేశ గతిని మార్చే సత్తా బీఆర్‌ఎస్‌ అధినేత, తెలంగాణ సీఎం కేసీఆర్‌కే ఉన్నదని అన్నారు.

విజయవాడ మాజీ మేయర్‌ తాడి శకుంతల, మహిళా ఫెడరేషన్‌ రాష్ట్ర అధ్యక్షురాలు వేఘవరపు వరలక్ష్మి, ఓబీసీ ఫెడరేషన్‌ ప్రధాన కార్యదర్శి మాల్యాద్రితోపాటు పలువురు మైనారిటీ నాయకులు బీఆర్‌ఎస్‌లో చేరారు. పార్టీలో చేరిన వారికి తోట చంద్రశేఖర్‌ గులాబీ కండువాలు కప్పి సాదరంగా స్వాగతం పలికారు.