75% మనుషులకు హైపర్‌టెన్షన్‌ లేదా అధిక రక్తపోటు

 ప్రస్తుత అధునీక యుగంలో మారుతున్న జీవన శైలీ కారణంగా  తాజాగా మనుషులకు హైపర్‌టెన్షన్‌ లేదా అధిక రక్తపోటు (బీపీ) ఎంత హానికరమో ప్రత్యేకంగా చెప్పనక్కర్లేదు. హృద్రోగాలకు, అకాల మరణాలకు ఇదే ప్రధాన కారకం.

ఇంత ప్రమాదకరమైన బీపీని భారత్‌లోని 75% మందికిపైగా రోగులు అదుపులో ఉంచుకోలేకపోతున్నారట. 25% శాతం కంటే తక్కువ మంది మాత్రమే దీన్ని నియంత్రణలో ఉంచుకోగలుగుతున్నారని లాన్సెట్‌ రీజినల్‌ హెల్త్‌ జర్నల్‌లో ప్రచురితమైన ఓ అధ్యయనం వెల్లడించింది.

ఢిల్లీలోని నేషనల్‌ సెంటర్‌ ఫర్‌ డిసీజ్‌ కంట్రోల్‌, అమెరికాలోని బోస్టన్‌ వర్సిటీ స్కూల్‌ ఆఫ్‌ పబ్లిక్‌ హెల్త్‌ పరిశోధకుల బృందం ఈ అధ్యయనాన్ని నిర్వహించింది భారత్‌లోని రక్తపోటు నియంత్రణ రేట్లను నివేదిస్తూ 2001 తర్వాత ప్రచురితమైన 51 అధ్యయనాలను సమీక్షించి ఈ విషయాన్ని తేల్చింది. బీపీ నియంత్రణ రేట్లలో గత కొన్ని ఏండ్ల నుంచి వచ్చిన మార్పులను వారు పరిశీలించారు.