సూపర్‌స్టార్ మృతిపై కేసీఆర్ సంతాపం!

సూపర్‌స్టార్ కృష్ణ మంగళవారం వేకువ జామున గచ్చిబౌలిలోని కాంటినెంటల్‌ హాస్పిటల్‌లో మృతి చెందారు. ఆయన మృతితో సినీ ఇండ్రస్ట్రీతో పాటు ఆయన అభిమానులు శోకసంద్రంలో మునిగారు. సినీ, రాజకీయ నేతలు ఆయన మృతికి సంతాపం తెలుపుతున్నారు.

సూపర్‌స్టార్ మృతి పట్ల తెలంగాణ ముఖ్యమంత్రి కేసీఆర్ సంతాపం ప్రకటించారు. నటుడిగా, నిర్మాతగా, దర్శకుడిగా, నిర్మాణ సంస్థ అధినేతగా తెలుగు సినిమా రంగానికి 5 దశాబ్దాలు ఆయన అందించిన సేవలు చిరస్మరణీయం అని అన్నారు. సినీ ప్రియుల హృదయాల్లో చెరగని ముద్ర వేసిన ఆయన మరణం, తెలుగు ఇండ్రస్ట్రీకి తీరని లోటని వ్యాఖ్యానించారు. కృష్ణ కుటుంబ సభ్యులకు కేసీఆర్ తన ప్రగాఢ సానుభూతిని తెలిపారు.