మెగాస్టార్ గాడ్‌ఫాదర్ ఓటీటీ డేట్ ఫిక్స్..!

మెగాస్టార్ చిరంజీవి మళయాళం లూసీఫర్‌కు రీమేక్‌గా వచ్చిన గాడ్‌ఫాదర్‌లో నటించారు. దసరా కానుకగా రిలీజ్ అయిన ఈ సినిమా మంచి టాక్ దక్కించుకుంది. దీంతో ఈ సినిమా ఎప్పుడెప్పుడు ఓటీటీలో రిలీజ్ అవుతుందా అని సినీ ప్రియులు ఎంత గానో ఎదురు చూస్తున్నారు. ఎట్టకేలకు గాడ్‌ఫాదర్ ఓటీటీ వేదికగా ప్రేక్షకులను అలరించేందుకు రెడీ అవుతోంది. త్వరలోనే ఈ మూవీ ఓటీటీలో స్ట్రీమింగ్ కానుంది. ఇంతకీ ఎందులో అంటే..

మోహన్‌రాజా దర్శకత్వంలో మెగాస్టార్ హీరోగా తెరకెక్కింది గాడ్‌ఫాదర్. ఈ నెల 19 నుంచి గాడ్‌ఫాదర్ ఓటీటీలో సందడి చేయనుంది. ఈ మూవీ నెట్‌ఫ్లిక్స్ వేదికగా స్ట్రీమింగ్ కానుంది. సోషల్ మీడియాలో ఈ విషయాన్ని నెట్‌ఫ్లిక్స్ పంచుకుంది.  ఈ మూవీలో నయనతార, సల్మాన్‌ఖాన్, సత్యదేవ్ తదితరులు కీలక పాత్రలో అలరించారు. తమన్ సంగీతం అందించారు. ఆర్‌బీచౌదరి, ఎన్వీ ప్రసాద్ నిర్మాతలు.