నటుడు కార్తి ఫేస్‌బుక్ అకౌంట్ హ్యాక్.. ట్వీట్ చేసిన హీరో!

తమిళ స్టార్ హీరో కార్తి ఫేస్‌బుక్ అకౌంట్ హ్యాక్ అయ్యింది. ఈ విషయాన్ని కార్తి ట్విటర్ వేదికగా తెలిపారు. హాయ్‌ ఆల్.. నా ఫేస్‌బుక్ పేజీ హ్యాక్ అయ్యింది. ప్రస్తుతం టెక్నికల్ టీంతో కలిసి పనిచేస్తున్నాం. త్వరలోనే అకౌంట్‌ను తిరిగి పొందేందుకు ప్రయత్నిస్తున్నాం. అని ట్వీట్ చేశారు. కార్తి తన సినిమాలకు సంబంధించిన ఏ అప్‌డేట్‌లైనా, పర్సనల్ విషయాలైనా సోషల్ మీడియా వేదికగా అభిమానులతో పంచుకుంటారు.

ఈ ఏడాది కార్తి వరుస విజయాలను తన ఖాతాలో వేసుకున్నారు. విరుమన్, పొన్నియిన్ సెల్వన్-1, సర్దార్ సినిమాలతో భారీ విజయాలు అందుకున్నారు. ప్రస్తుతం రాజు మురుగన్ దర్శకత్వంలో జపాన్ అనే సినిమాలో నటిస్తున్నాడు. ఇందులో కార్తి సరసన అను ఇమ్మాన్యుయేల్ నటిస్తోంది. సునీల్ కీలక పాత్ర పోషిస్తున్నారు. డ్రీమ్ వారియర్ పిక్చర్స్ పతాకంపై ఎస్ఆర్ ప్రకాశ్‌బాబు, ఎస్ ఆర్ ప్రభు నిర్మిస్తున్నారు.