సంక్రాంతికి కొత్త సచివాలయం..!

రాష్ర్టంలో కొత్త సచివాలయం బిల్డింగ్ పనులు శర వేగంగా జరుగుతున్నాయి. రానున్న సంక్రాంతికి కొత్త సచివాలయాన్ని పూర్తిగా అందుబాటులోకి తీసుకురానున్నారు. ఇప్పటివరకు 90 శాతం పనులు పూర్తయ్యాయి. కీలకమైన భారీ డోమ్‌ల నిర్మాణం, బిల్డింగ్ లోపల ఫినిషింగ్ పనులు, చుట్టూ రోడ్లు, ఫుట్‌పాత్‌లు, డ్రెయిన్లు, పచ్చికబయళ్ల పనులు మాత్రమే చేయాల్సి ఉంది.

రాజస్థాన్ ధోల్పూర్ నుంచి తెప్పించిన ఎర్ర రాయితో కొత్త సచివాలయం బిల్డింగ్ నిర్మాణం చేపడుతున్నారు. మొత్తం దీనిలో ఇది 8 అంతస్తులు ఉండనున్నాయి. వీటిలో 6వ అంతస్తులో సీఎం ఆఫీసును ఏర్పాటు చేస్తున్నారు. బుల్లెట్‌ ఫ్రూప్‌గా ఈ ఆఫీసును నిర్మిస్తున్నారు.

మంత్రుల కోసం ప్రతి ఫ్లోర్‌లో నాలుగు క్యాబిన్‌లు ఉంటాయి. మంత్రులు, కేబినెట్ స్థాయిలో ఉండేవారికోసం వాటిని కేటాయిస్తారు. మంత్రి చాంబర్‌ పక్కనే ఆ శాఖ కార్యదర్శి, ఇతర అధికారుల చాంబర్లు ఉంటాయి.