చెర్రీ- సుకుమార్ కాంబోలో మరో మూవీ.. ట్వీస్ట్‌ అదుర్స్!

ఆర్ఆర్ఆర్ సినిమా సూపర్ సక్సెస్‌ను ఎంజాయ్ చేస్తున్నారు రామ్ చరణ్. తాజాగా
చెర్రీ కొత్త ప్రాజెక్ట్‌కు సంబంధించిన ఓ అప్‌డేట్ తెలిసి అభిమానులు షాక్‌ అవుతున్నారు. ఆర్ఆర్ఆర్ సినిమా ప్రమోషన్ల టైంలోనూ ఆ కొత్తసినిమా గురించి రాజమౌళి సరదాగా మాట్లాడారు కానీ మేమే అంతగా పట్టించుకోలేదని అభిమానులు ఫీలవుతున్నారు. మొత్తానికి ట్విస్ట్ అదిరిందని సోషల్ మీడియా వేదికగా ఫ్యాన్స్ తమ ఆనందం వ్యక్తం చేస్తున్నారు.

రంగస్థలం సినిమాతో క్రేజీ కాంబినేషన్‌గా పేరుతెచ్చుకున్నారు చెర్రీ డైరెక్టర్ సుకుమార్. త్వరలో ఈ కాంబోలో మరో సినిమా ప్రేక్షకుల ముందుకు రానుంది. ఈ మూవీలో హీరో పరిచయ సన్నివేశాలు కూడా పూర్తయినట్లు తాజాగా తెలిపారు ప్రముఖ ప్రొడక్షన్ డిజైనర్ సాబు సిరిల్. ఆర్ఆర్ఆర్ మూవీలో చెర్రీ లుక్ నచ్చి తన ప్రాజెక్ట్ లోనూ అదే లుక్ కోరుకున్నారట సుకుమార్. అందుకే ఈ కొత్త ప్రాజెక్టులో రామ్ చరణ్ పరిచయ సన్నివేశాలను ఆర్ఆర్ఆర్ మూవీ రిలీజ్‌కు ముందే షూట్ చేసేశారట. ప్రస్తుతం ఈ విషయం తెలిసి నెటిజన్లు ఇదెక్కడి ట్విస్ట్ మామ.. చరణ్ తదుపరి ప్రాజెక్ట్‌కు సంబంధించి చాలా మంది డైరెక్టర్ల పేర్లు విన్నాం కానీ దీన్ని మాత్రం ఊహించలేకపోయాం అని ట్వీట్లు చేస్తున్నారు. ఆర్ఆర్ఆర్ ప్రమోషన్లలో కూడా సుకుమార్ చరణ్ ప్రాజెక్ట్ కోసం రాజమౌళి మాట్లాడిన వీడియోను షేర్ చేస్తూ.. అప్పుడు ఆయన చెప్పారు.. కానీ మనమే అర్థం చేసుకోలేకపోయాం అని అంటున్నారు.