దారుణం: విద్యుత్తు తీగలు తెగి నలుగురు కూలీలు మృతి..!

అనంతపురం జిల్లాలో దారుణం చోటుచేసుకుంది. పంట పొలంలో విద్యుత్తు తీగ తెగి నలుగురు వ్యవసాయ కూలీలు మృతి చెందారు.

రాయదుర్గం బొమ్మనహాల్ మండలం దర్గాహొన్నూరు గ్రామంలోని ఓ రైతు పొలంలో మొక్కజొన్న కంకులు పంట కోయడానికి కూలీలు వెళ్లారు. కోసిన కంకులను ట్రాక్టర్‌లో లోడు చేస్తుండగా.. సమీపంలోని విద్యుత్తు తీగ తెగి పడింది. ఈ ప్రమాదంలో నలుగురు కూలీలు అక్కడికక్కడే దుర్మరణం చెందారు. మరో ముగ్గురి పరిస్థితి విషమంగా ఉండడంతో వారిని హుటాహుటిన హాస్పిటల్‌కి తరలించారు. ఘటనా సమయంలో ఉన్న మిగితా కూలీలు గ్రామానికి వెళ్లి విషయం తెలిపగా.. వారు విద్యుత్ సిబ్బందికి సమాచారం అందించారు.