ప్రపంచంలోనే పొడవైన ట్రైన్‌.. పొడవెంతో తెలుసా?

సాధారణంగా ట్రైన్‌ ఎంత పొడవుంటుంది? అరకిలోమీటరు లేదా అంతకంటే కొంచెం ఎక్కువ ఉండొచ్చు. కొన్ని గూడ్స్‌రైళ్లు ఇంకాస్త ఎక్కువగా ఉంటాయి. మహా అయితే కిలోమీటరు పొడవు ఉండొచ్చు. కానీ ప్రపంచంలోనే అత్యంత పొడవైన ట్రైన్‌ స్విట్జర్లాండ్‌లో పట్టాలెక్కింది.

ఆ దేశంలో రైల్వే సర్వీసులు అందుబాటులోకి తీసుకొచ్చి 175 సంవత్సరాలు పూర్తయిన సందర్భంగా రేయిషేన్‌ రైల్వే కంపెనీ 1.9 కిలోమీటర్లుండే (సుమారు 2 కిలోమీటర్లు) ట్రైన్‌ను నడిపింది. 100 బోగీలు, 4 ఇంజిన్లు గల ఈ రైలు 25 కిలోమీటర్ల దూరం ప్రయాణించడానికి గంట సమయం పట్టింది. ప్రకృతి అందాలతో ఆల్ప్స్‌ పర్వత సానువుల గుండా సాగే ఈ మార్గంలో ప్రఖ్యాత ల్యాండ్‌వాసర్‌ వారధి సహా 22 సొరంగాలు, 48 వంతెనలు, అనేక లోయలు, మలుపుల్లోని దృశ్యాలను ప్రయాణికులు ఆస్వాదించారు.