బండ్లన్న సంచలన నిర్ణయం.. ఇకపై వాటికి దూరంగా ఉంటా..!

సినీ నిర్మాత, నటుడు బండ్ల గణేష్‌ కీలక నిర్ణయం తీసుకున్నారు. రాజకీయాలకు ఇకపై దూరంగా ఉండాలని నిర్ణయించుకున్నట్లు ఆయన ప్రకటించారు. కుటుంబ బాధ్యతలతో ఈ నిర్ణయం తీసుకున్నట్లు తెలిపారు. ఈ మేరకు బండ్ల గణేష్‌ ట్వీట్‌ చేశారు.

‘కుటుంబ బాధ్యతలు, వ్యాపారాలు.. పిల్లల భవిష్యత్‌ గురించి ఆలోచించి రాజకీయాలకు దూరంగా ఉండాలని నిర్ణయించుకున్నాను. నాకు ఏ రాజకీయ పార్టీతో శత్రుత్వం, మిత్రుత్వం గానీ లేదు. అందరూ నాకు ఆత్మీయులే. ఇంతకుముందు నావల్ల ఎవరైనా బాధపడి ఉంటే క్షమిస్తారని ఆశిస్తున్నాను’’ అని ఆయన తన ట్వీట్‌లో పేర్కొన్నారు.

2018 ఎన్నికలకు ముందు బండ్ల గణేష్‌ కాంగ్రెస్‌ పార్టీలో చేరారు. ఆ పార్టీ ఓటమి తర్వాత క్రియాశీలక రాజకీయాలకు దూరంగా ఉన్న ఆయన.. ఇప్పుడు పూర్తిగా తప్పుకొంటున్నట్లు ప్రకటించారు.