ప్రొడ్యూసర్ ఎఫైర్.. ప్రశ్నించిన భార్యను కారుతో తొక్కించి పరారీ!

ముంబయిలోని అంధేరిలో దారుణం జరిగింది. ఓ సినీ నిర్మాత వేరే అమ్మాయితో కారులో క్లోజ్‌గా ఉండడాన్ని గుర్తించిన భార్య నిలదీయడంతో కోపంతో ఆ ప్రొడ్యూసర్ కారుతో భార్యను ఢీ కొట్టాడు. దీంతో ఆమె కాళ్లు చేతులు, తలకు తీవ్ర గాయాలయ్యాయి. ప్రస్తుతం ఇందుకు సంబంధించిన దృశ్యాలు సోషల్ మీడియాలో వైరల్ అవుతున్నాయి.

కమల్‌ కిశోర్ మిశ్రా ముంబయిలో ప్రముఖ సినీ నిర్మాత. ఇటీవల ఆయన ఇంట్లో కనిపించకపోవడంతో ఆయన్ను వెతుకుతూ అతని భార్య పార్కింగ్ ఏరియాకు వెళ్లింది. అక్కడ వారి కారులో భర్త వేరే మహిళతో సన్నిహితంగా ఉండడాన్ని చూసింది. వెంటనే కోపంతో భర్తను నిలదీసింది. దీంతో వారు అక్కడి నుంచి తప్పించుకోవడానికి ఎదురుగా ఉన్న తన భార్యను కారుతో ఢీకొట్టి పారిపోయారు. ఈ ఘటనలో నిర్మాత భార్య తల, కాళ్లు చేతులకు గాయాలయ్యాయి. సమీపంలో ఉన్న కొందరు ఆమెను హాస్పిటల్‌కి తీసుకెళ్లారు. అనంతరం ఆమె పోలీసులకు ఫిర్యాదు చేసింది. కేసు నమోదు చేసుకున్న పోలీసులు దర్యాప్తు చేస్తున్నారు. ప్రస్తుతం ఈ ఘటనకు సంబంధించిన దృశ్యాలు వైరల్ అవుతున్నాయి.