బన్నీ, శిరీష్‌లలో ఎవరు క్యూటీ.. ఎవరు నాటీ‌? ఆ హీరోయిన్ అప్‌సెట్!

అల్లు అర్జున్ సోదరుడు అల్లు శిరీష్ హీరోగా అను ఇమ్మాన్యుయేల్ హీరోయిన్‌గా తెరకెక్కుతోన్న సినిమా ఊర్వశివో రాక్షసివో. త్వరలో ఈమూవీ ప్రేక్షకుల ముందుకు రానుంది. ఈ సందర్భంగా మూవీ టీమ్ విలేకర్లతో ముచ్చటించారు. ఇందులో భాగంగా అనుకు విలేకర్ ఓ ప్రశ్న వేయగా ఆమెకు చిర్రెత్తుకొచ్చింది. ఇంతకీ ఆ ప్రశ్న ఏంటంటే..

ఊర్వశివో రాక్షసివో సినిమా టీమ్ చిట్‌చాట్‌లో ఓ విలేకర్‌ అనుని ఉద్దేశించి మేడమ్.. నా పేరు సూర్య సినిమాలో అల్లు అర్జున్ సరసన నటించారు. ఇప్పుడు అల్లు శిరిష్‌తో నటించారు. వీరిద్దరిలో ఎవరు క్యూటీ ఎవరు నాటీ అని అడిగాడు. దీంతో అను అప్‌సెట్‌ అయ్యి.. ఏంటి ఈ ప్రశ్నలు.. మీకు అడగడానికి ఇంకేం ప్రశ్నలు లేవా అని సీరియస్ అయ్యారు. ఈ ఊర్వశివో.. రాక్షసివో మూవీకి రాకేశ్ శశి దర్శకత్వం వహించారు. యూత్‌ను ఎట్రాక్ట్‌ చేసే లవ్ ఎంటర్‌టైనర్‌గా తెరకెక్కించారు. అచు రాజ్ మణి, అనూప్ స్వరాలు సమకూర్చారు.