అటు నుంచి ఒక బుల్లెట్‌ వస్తే ఇటు నుంచి దీపావళే..!

రవితేజ హీరోగా నక్కిన త్రినాథరావు దర్శకత్వంలో తెరకెక్కుతోన్న సినిమా ధమాకా. యాక్షన్, కమర్షియల్ ఎంటర్‌టైనర్‌గా రానున్న ఈ మూవీ టీజర్‌ను దీపావళి వేడుకల సందర్భంగా రిలీజ్ చేసింది చిత్రబృందం. ఈ టీజర్‌కు ధమాకా మాస్ క్రాకర్‌ అనే పేరు పెట్టారు. ప్రస్తుతం ఈ టీజర్‌ రవితేజ ఫ్యాన్స్‌తో పాటు మాస్‌ ఆడియన్స్‌ చేత ఈలలు వేయిస్తోంది.

నేను నీలో ఒక విలన్‌ని చూస్తే.. నువ్వు నాలోని హీరోని చూస్తావు. కానీ యాక్షన్‌లోని దిగినప్పుడు నేనొక శాడిస్ట్‌ని అని రవితేజ చెప్పే డైలాగ్‌తో ధమాకా మూవీ టీజర్‌ ప్రారంభం అవుతుంది. వాడు మనిషా వాషింగ్‌ మెషినా ఇలా ఉతుకుతున్నాడేంటి సార్ అంటూ ఓ విలన్‌ ఫోన్‌లో చెప్పే డైలాగ్, నన్ను కొడితే ఎవరొస్తారు తెలుసా అంటూ ఓ కమెడీయన్ అంటే అంబులెన్స్‌ను వేసుకొని డ్రైవర్ వస్తాడు అని రవితేజ చెప్పే డైలాగ్‌లు నవ్వులు పూయిస్తాయి. అటు నుంచి ఒక బుల్లెట్‌ వస్తే ఇటు నుంచి దీపావళే అంటూ చివర్లో రవితేజ విలన్‌కు ఇచ్చే వార్నింగ్ ఆడియన్స్‌కి మంచి కిక్కిస్తుంది. మొత్తానికి మాస్‌ మహారాజ్ ధమాకా టీజర్ మాస్ ప్రేక్షకుల చేత ఈలలు వేయిస్తుంది.

ఈ మూవీలో రవితేజ సరసన శ్రీలీల సందడి చేయనుంది. జయరాం, సచిన్ ఖేడేకర్, తనికెళ్ల భరణి, రావు రమేశ్, ఆలీ తదితరులు నటిస్తున్నారు. క్రిస్మస్ కానుకగా డిసెంబరు 23న ఈ మూవీ థియేటర్లలో అలరించనుంది.