స్వాతిముత్యం ఓటీటీ డేట్ ఫిక్స్!

ప్రముఖ నిర్మాత బెల్లంకొండ సురేశ్ రెండో కొడుకు బెల్లంకొండ గణేశ్ హీరోగా పరిచయమైన సినిమా స్వాతిముత్యం. రొమాంటిక్ ఎంటర్‌టైనర్‌గా రూపొందిన ఈమూవీ దసరా కానుకగా థియేటర్లలో రిలీజైంది. మెగాస్టార్ గాడ్ ఫాదర్, నాగ్ ది ఘోస్ట్‌ వంటి పెద్ద మూవీలతోనూ పోటీ పడినప్పటికి మంచి హిట్‌ టాక్ దక్కించుకుంది. దీంతో స్వాతిముత్యం ఎప్పుడెప్పుడు ఓటీటీలోకి వస్తోందా అని సినీప్రియులు ఎంతగానో ఎదురు చూస్తున్నారు. ఎట్టకేలకు మూవీ లవర్స్ ఎదురు చూపులు ఫలించి స్వాతి ముత్యం ఓటీటీ డేట్ ఫిక్స్ అయ్యింది.

ప్రముఖ ఓటీటీ సంస్థ ఆహాలో స్వాతిముత్యం స్ట్రీమింగ్ కానుంది. ఈ నెల 28 నుంచి ఈ మూవీ ఆహాలో అందుబాటులో ఉంటుంది. ఈ విషయాన్ని ఆహా సంస్థ తన సోషల్ మీడియాలో పంచుకుంది. స్వాతిముత్యంలో గణేశ్‌కు జంటగా వర్ష బల్లమ్మ నటించింది. లక్ష్మణ్ కే కృష్ణ దర్శకత్వం వహించారు.