రాహుల్‌గాంధీకి ఫన్నీ ప్రశ్న.. ఏ సన్‌స్క్రీన్ వాడుతారన్న అభిమాని!

కాంగ్రెస్ పార్టీ నేత రాహుల్ గాంధీ ప్రస్తుతం భారత్ జోడో యాత్ర చేపట్టారు. ఇందులో భాగంగా సోమవారం కర్ణాటకలోని బళ్లారి ప్రాంతంలో నిర్వహించిన పాదయాత్రలో ఆయన పాల్గొన్నారు. అనంతరం విశ్రాంతి తీసుకుంటున్న ప్రదేశంలో రాహుల్ గాంధీ కొందరు అభిమానులతో సరదాగా ముచ్చటించారు. ఈ క్రమంలో ఓ అభిమాని రాహుల్ చర్మ సౌందర్యం గురించి ప్రశ్నించాడు. అందుకు రాహుల్ ఏం చెప్పాడంటే..

రాహుల్ గాంధీతో మాట్లాడటానికి వచ్చిన అభిమానుల్లో ఓ వ్యక్తి స్కిన్ కేరింగ్ గురించి అడిగారు. పాదయాత్రలో పాల్గొంటున్నారు కదా.. టాన్ రాకుండా ఏం చేస్తారని ప్రశ్నించాడు అభిమాని. దానికి స్పందించిన రాహుల్ గాంధీ నేను ఏ సన్‌స్క్రీన్ వాడను అని చెప్పారు. స్పందించిన అభిమాని ఏం వాడకున్నా మీ ముఖం మెరిసిపోతోందని చెప్పాడు. దీంతో రాహుల్ నవ్వుతూ.. మా అమ్మ నాకోసం సన్‌స్క్రీన్ డబ్బా పంపింది. కానీ నేను అది ఓపెనే చేయలేదని చెప్పారు. అనంతరం ఆయన చేతికున్న టాన్ చూపించారు. దీంతో అక్కడున్న వారంతా సరదాగా నవ్వుకున్నారు. ఇందుకు సంబంధించిన వీడియోను భారత్‌ జోడో యాత్ర ట్విటర్‌లో షేర్ చేయగా నెట్టింట ఈ వీడియో వైరల్‌ అవుతూ నవ్వులు పూయిస్తోంది.