కేజీఎఫ్-2, ఆర్‌ఆర్‌ఆర్‌ను వెనక్కి నెట్టి.. నెం1గా కాంతార!

కన్నడ నటుడు రిషబ్‌ శెట్టి హీరోగా నటిస్తూ.. డైరెక్షన్ చేసిన మూవీ కాంతార. సంస్కృతి, సంప్రదాయాల నేపథ్యంలో యాక్షన్ ఎంటర్‌టైనర్‌గా తెరకెక్కిన ఈ చిత్రం బాక్సాఫీస్ దగ్గర సరికొత్త రికార్డులు సృష్టిస్తోంది. కేజీఎఫ్-2, ఆర్‌ఆర్‌ఆర్‌ సినిమాలను సైతం బీట్‌ చేసి నెంబర్ 1గా నిలిచింది.

సాధారణ సినిమాగా కన్నడ థియేటర్లలో రిలీజై ప్రభంజనం సృష్టిస్తోంది కాంతార సినిమా. భారతీయ చలన చిత్ర పరిశ్రమలో బిగ్గెస్ట్ యాక్షన్ ఎంటర్‌టైనర్‌లుగా నిలిచిన కేజీఎఫ్-2, ఆర్‌ఆర్‌ఆర్‌ సినిమాలకు వచ్చిన రేటింగ్‌ను ఈ మూవీ బ్రేక్ చేసింది. ఐఎండీబీలో కేజీఎఫ్-2 మూవీకి 8.4 రేటింగ్‌, ఆర్‌ఆర్‌ఆర్‌ మూవీకి 8 రేటింగ్ వచ్చింది. ప్రస్తుతం కన్నడ మూవీ కాంతార 9.5 రేటింగ్‌తో అదరగొట్టింది. ఇలాంటి అసాధారణమైన రేటింగ్ రావడం పట్ల కన్నడ ఇండస్ట్రీతో పాటు సినీప్రియులు హర్షం వ్యక్తం చేస్తున్నారు.

కాంతార సూపర్ డూపర్ హిట్ కావడంతో వివిధ బాషల్లో ప్రేక్షకుల ముందుకు తీసుకొచ్చేదుకు సన్నాహాలు చేస్తుంది మూవీ టీమ్. ఇప్పటికే హిందీలో ఆకట్టుకుంటోన్న ఈ మూవీ తెలుగులోనూ రిలీజైంది.