ఆ కళ్లద్దాలు విజయ్‌వే.. రష్మిక పిక్ వైరల్.. సంతోషంలో ఫ్యాన్స్!

ఇటీవల ముంబయి ఎయిర్‌పోర్టులో విజయ్ దేవరకొండ, రష్మిక తళుక్కుమన్నారు. దీంతో వీరిద్దరూ కలిసి మాల్దీవులు ట్రిప్‌కు వెళ్లారని పెద్ద ఎత్తున వార్తలు వినిపించాయి. ప్రస్తుతం విజయ్, రష్మిక లవ్‌లో ఉన్నారని అందుకే సినిమాలకు కాస్త బ్రేక్ ఇచ్చి వెకేషన్ ఎంజాయ్ చేస్తున్నారని హల్‌చల్‌ అవుతోంది. తాజాగా నెట్టింట రష్మిక షేర్ చేసిన ఓ ఫొటోతో వీరిద్దరూ కలిసే ఉన్నారని కన్ఫర్మ్ చేసుకున్నారు నెటిజన్లు. దీంతో ఏకంగా ఇద్దరూ కలిసిఉన్న ఫొటో అడుగుతున్నారు.

రష్మిక తాజాగా తాను ఉంటోన్న హోటల్ రూమ్‌లోని స్విమ్మింగ్ పూల్ దగ్గర కూర్చొన్న ఫోటో ఒకటి షేర్ చేశారు. ఇందులో ఆమె ఫ్టోటింగ్ ఫుడ్‌ను ఎంజాయ్ చేస్తూ కనిపించారు. స్టార్స్ వెకేషన్‌లో ఎంజాయ్‌ చేస్తూ ఇలాంటి పిక్స్ పోస్ట్ చేయడం కామన్‌. ఇందులో విజయ్ ఎక్కడున్నాడు. దీని ద్వారా వీరిద్దరూ కలిసే ఉన్నారని ఎలా అంటున్నారూ.. అనుకుంటున్నారా.. రష్మిక ఓ బ్రాండ్ న్యూ కూలింగ్ గ్లాసెస్ పెట్టుకుంది. వీటిని గమనించిన అర్జున్‌రెడ్డి అభిమానులు.. అవి మా అన్నవే.. అంటే వీళ్లిద్దరూ కలిసే మాల్దీవులు వెళ్లారన్నమాట.. అని ఫిక్స్ అయ్యి మేడమ్.. ఇద్దరూ కలిసి ఉన్నఫొటోని షేర్ చేయండని కోరుతున్నారు.